靚聲Gadget 達人試聽

近年消費者都長出金耳朵，對音質要求愈來愈高，唔單止追求高級耳機、DAP，就連用手機、平板等Gadgets都要求聽到靚聲！一眾廠商當然識做，紛紛加入各式音效技術同功能。新鮮滾熱辣就有日系代表Sony Xperia Z4 Tablet以及國產Lenovo A7000，前者玩無線高清新技術LDAC，後者就有戲院級音效Dolby Atmos。小記一於搵耳機達人麥家亮（Cato）試聽兩部新機，睇吓佢哋嘅音效技術掂唔掂。

$5,398（a）

Xperia Z4 Tablet支援microSD擴充容量，擺多幾隻FLAC都唔怕冇位。

耳機及平板均支援NFC，一拍即配對。

配對相關耳機後，通知中心都會作出顯示。

MDR-1ABT耳機外殼設有觸控面板，手勢操作即可飛歌或調校音量。

提供首選音質、標準及首選連接，可以因應環境或者干擾而選擇唔同模式。

Sony專登製作圖表，讓用家了解LDAC比藍芽傳輸嘅傳輸頻寬闊得多。

有耳機自動優化功能，插入耳機後，手機就會根據耳機特點而優化輸出音樂，令聽歌效果更好。

MDR-1ABT為MDR-1A的藍芽版本，設計相似，屬中階定位。　$2,680（a）

MDR-1ABT耳機屬中階級數，Cato就覺得其質素不俗。

內置嘅《Dolby Atmos》可以自行調校EQ。

通知中心設有Dolby音效快捷鍵，一按即開夠方便。

5.5吋IPS屏幕，可視角極高。$1,299（b）（6月5日有售）

姊妹機A6000嘅檸檬黃背殼用上防污物料；至於A7000機背色水一樣，但係就冇防污功能，用機時要小心啲。

Cato表示用耳罩式耳機較能聽出Dolby Atmos效果，比入耳式更好。

Meizu MX4 Pro
$3,299（16GB）、$3,549（32GB）（d）

Sony Xperia Z4 Tablet LDAC高清無線聽歌

由Sony研發嘅「LDAC」編碼技術早於年初CES展覽發布，第一批支援此技術嘅產品，就有NW-ZX2 Walkman、SRS-X99座枱喇叭以及MDR-1ABT耳機，全部都係純為聽歌而設。要數到支援LDAC嘅流動裝置，Xperia Z4 Tablet先係首部。一般用家都會透過藍芽連接耳機無線聽歌，不過傳統藍芽技術傳輸頻寬只有328kbps，如果聽24bit/96kHz嘅Hi-Res音樂的話，往往需要將音源降頻至16bit/44.1kHz，即CD音質，再經傳輸後，音質自然差一截。反觀LDAC技術傳輸頻寬高達990kbps，毋須任何降頻都可以完美傳輸24bit/96kHz高解像音樂，無線情況下，都可以聽到無損音檔。

Cato評聲線Sharp

當然，要用到LDAC技術，除咗部Tablet，仲要夾支援LDAC嘅耳機，其實暫時只有MDR-1ABT一款，換言之即係冇選擇；幸好呢款耳機實為MDR-1A嘅藍芽版本，屬中階級數，水準唔差。Cato即場測試，只要將耳機外殼同平板背後嘅NFC晶片一拍就完成連接配對，而平板連接支援LDAC耳機後，通知中心亦會有相關訊息提示；特別在於仲會提供「無線播放音質」設定，可以選擇首選音質、標準及首選連接，自行因應環境嘅無線干擾多寡及連接距離而決定連接模式，相當靈活。Cato試聽後表示：「以往用無線耳機聽歌，高頻會覺得唔夠高，低頻亦唔夠深，線條無咁實淨；但今次以LDAC技術試聽，就明顯覺得音樂嘅高音自然啲，聲音線條Sharp得多，感覺幾好，聽Band Sound、Pop Muisic入面嘅Bassline、樂器金屬聲都好清脆。」佢指出，起初連接時，播歌有輕微窒，不過之後就變得順暢，相信同環境內有無線干擾有關。音質的確跟有線連接嘅距離拉近咗，期待此技術會成為國際標準，無線聽歌點都方便啲嘅！

SPEC

制　　式：GSM、WCDMA、LTE

處　理　器：Qualcomm Snapdragon 810 2GHz八核心

記　憶　體：3GB RAM、32GB ROM；支援128GB microSD

屏　　幕：10.1吋（2,560×1,600解像度）

鏡　　頭：前置500萬像素、後置800萬像素

對外連接：藍芽4.1、microUSB、NFC、Wi-Fi

電池容積：6,000mAh

作業系統：Android 5.0

體　　積：167×254×6.1 mm

重　　量：393g

Lenovo A7000 Dolby Atmos 戲院級靚聲

Dolby Atmos（杜比全景聲）嘅電影音響效果明顯高幾班，不過以後大家唔使去戲院，或用幾十萬打造家庭影院，付出$1,299即可享受全景聲！講緊嘅就係Lenovo新手機A7000（又稱大樂檬），此機係全球首部支援Dolby Atmos音效嘅手機，只要插入耳機，就可以享受到Dolby Atmos嘅突出音效。有別於戲院及家庭影院系統嘅多聲道，耳機雖然僅得雙聲道，但Dolby Atmos就利用Head-Related Transfer Functions（HRTFs），令大腦可以判斷出聲音發出嘅方位同距離，營造出空間感以及立體聲嘅真實感覺。最重要就係Dolby Atmos片源可以同時傳送多達128個聲音主體（Audio Objects），更可設定每個聲音主體發出嘅位置。

Cato評程式設定齊全

為咗令大家可以試真啲，廠方喺機內就預載咗五段短片，Cato試過後表示：「以往手機睇戲，音效最大問題就係高度唔夠，而開啟Dolby Atmos後嘅A7000，整條聲音水平線明顯提高咗，高度反差亦高咗！」不過Cato認為預載Trailer嘅音效設定一般都會「重手啲」，所以再上YouTube睇《復仇者聯盟2：奧創紀元》預告片，之後佢話：「效果又冇咁明顯，只係Bass突出啲。相信係因為始終受制於片源嘅音效質素，相信播放較高質嘅片源，音效發揮會好好多」。A7000嘅Dolby Atmos音效，除咗用嚟睇片之外，其實仲可以用嚟聽歌、打機，Cato指出：「Dolby Atmos嘅聲音設定比以往嘅Dolby音效都來得豐富，聽歌時發現人聲距離感遠咗，深度感提高，壓縮感似5.1聲道。」所以佢建議：「呢部手機Setting較重『味精』，適合聽Pop、電音等節奏強勁嘅音樂，聽Classical、Jazz等追求自然嘅音樂就唔建議喇！」Cato亦大讚機內預設嘅《Dolby Atmos》程式設定齊全，皆因用家可以調校不同的音效設定，例如EQ、虛擬環繞音效、對白強化等，其他手機少見。