要數今次復仇者最具話題性、最有商機嘅角色，非Hulkbuster莫屬，唔只HT一早講明會出1/6版本，仲有Comicave Studios及Bandai，就分別推出1/4及1/12，最近風頭最勁者就數到King Arts，1/9版本唔只標榜有合金成分，仲可以將同廠嘅1/9 Iron Man Mark XLIII成隻放入去。其實HT喺公布自家Hulkbuster嗰陣，已經講明正式推出時會追加神秘組件，啱啱就發表咗一張新圖，圖中Hulkbuster與Hulk出拳互轟，雖然只見到拳頭部分，但已引起玩具迷熱論，因為Hulkbuster嘅拳頭換上新款式，即係電影中嘅連環鐵拳，咁早揭曉，似乎有意安定民心，搶番話語權喎！

HT最近發表嘅Hulkbuster官圖，左面嘅連環鐵拳係首次曝光。