輕巧戲水Xperia Z4 Tablet

古語有云「魚與熊掌不可兼得」，手機、平板產品都係，大芒、輕巧兩大特點向來難以並存。今次Sony就打破常規，最新平板電腦產品Xperia Z4 Tablet雖然採用市場上接近最大嘅10.1吋屏幕，不過機身竟然只係重393g，比同級機款輕，完美示範輕薄新標準。夠輕之餘，仲配備旗艦級硬件，兼且支援防水防塵，夏天玩水帶佢去，歎日光浴時就唔怕齋曬咁悶啦！

淨平板 $5,398（有黑、白兩色）
鍵盤套裝 $6,398（僅黑色）

microUSB及3.5mm插口均採用無蓋式設計，使用更方便。

支援4G制式及microSD，擴充力不俗。

機身僅厚6.1mm，配合極輕機身，夠晒便攜。

機背採用塑膠物料，備有800萬像素鏡頭。

藍芽鍵盤BKB50只配備黑色版本。$1,498支援4G制式及microSD，擴充力不俗。

採用旗艦級處理器，逾五萬跑分成功登頂。

Office 365備有Excel、PowerPoint、Word等程式，文書工作必用。

試播高清影片，完全冇窒格，而且顏色自然豐富。

支援PS4 Remote Play功能，可以將家中PS4畫面同步到平板上打機。

連接藍芽鍵盤後，畫面左下方會顯示一排類似Windows的快捷圖示及專用小視窗。

備有10.1吋屏幕，解像度達2K級數。

套裝價錢比淨機貴一千蚊，不過計番藍芽鍵盤賣$1,498，一年Office 365服務要$540，其實都抵。

買得10吋平板，通常都預咗家用為主，皆因又重又累贅，攞出街盞辛苦。Xperia Z4 Tablet又不可相提並倫，佢雖然備有10.1吋屏幕，不過重量竟然只得393g，同樣係Sell輕量嘅Samsung Tab S 10.5重467g 、iPad Air 2就重444g，加上機身僅厚6.1mm，難怪廠方指Z4 Tablet係全球最輕最薄嘅10.1吋平板電腦。即場試用，單手拎機抑或托底使用都唔會太辛苦，攝落袋亦唔怕過於阻碇。屏幕質素值得一提，10.1吋屏幕解像度高達2,560×1,600，仲採用自家TRILUMINOS Display for mobile技術，加上有500cd/m2高亮度及sRGB 130%廣闊色域，顯示細緻，顏色亦見豐富。

防水防塵合夏日

近年防水產品成為Sony嘅招牌，新作Xperia Z4 Tablet當然唔例外，支援IP65/IP68防水防塵標準，部機濕水、淋水都應付到，就算放落1.5米水深，都仍然可以正常操作30分鐘。防水機款嘅microUSB、3.5mm插口以往都會加上保護蓋，但充電時就要次次開蓋；於是Sony就研發出無蓋式USB，配合原有嘅無蓋式3.5mm耳機插口，常用插口毋須開蓋一插即用，超方便！至於規格，Xperia Z4 Tablet就搭載咗Qualcomm Snapdragon 810 2GHz八核心處理器、3GB RAM，亦支援4G制式及通話功能，屬頂級效能。另外更備有雙前置喇叭，而且支援Hi-Res音效及LDAC編碼技術，傳輸頻寬比傳統藍芽技術效率更高，無線播歌時都可以確保音質水準。

可配超強鍵盤

平板電腦除咗娛樂用途之外，唔少用家都會用埋嚟做文書工作。呢方面Xperia Z4 Tablet都兼顧到，Sony推出專為佢而設嘅藍芽鍵盤BKB50，可以同平板整合成半截式保護套。鍵盤採用Qwerty孤島式按鍵，可透過NFC與平板一拍配對，亦設有Touch Pad。特別在於換上一系列Android常用按鍵，例如返回、主頁、Recent Apps、開關、拉下狀態欄、屏幕截圖等等，更加支援Ctrl+C複製、Ctrl+V貼上、Ctril+A全選等一系列快捷指令，唔使篤芒都可以操作到大部分功能，兼容力強。值得留意，此平板會連鍵盤以及一年Office 365訂閱服務以套裝形式出售，不過只限黑色主機。