常言道︰夏日炎炎正好眠，就快天時暑熱，仲跑乜鬼呀，抖暑啦！係囉，如果你唔介意以米芝蓮身形着雞翼袖貼身背心，甚至佗住個啤酒肚去游水嘅話……唔理你係爸打或絲打，做人要爭氣，為型又好為健康都好，咪咁易向天氣屈服，況且邊個話夏天跑步一定係攞苦嚟辛？PUMA就以全新嘅PWRCOOL技術說不！

Ignite PWRCOOL （M） $899/對

Ignite PWRCOOL （W） $899/對

外底嘅主要掂地位置，用咗耐磨兼抓地力高嘅EverTrack。

中底用上全新開發嘅PU，難得之處係緩震與回彈並重，令每一步都有額外助力。

鞋面中段至前段改用Open Airmesh，透氣孔嘅面積變大咗。

夏天練跑，多數都會揀喺清晨或者夜晚，鞋尾位置就有反光飾條，喺昏暗嘅環境下都容易被途人察覺。

鞋舌以至鞋墊都加入Comfortemp，當鞋籠嘅溫度急速上升時，Comfortemp嘅特製纖維就會發揮降溫作用。

Mobium Ride PWRCOOL $899/對 （男女同價）
除了Ignite，PUMA另一王牌跑鞋Mobium都嚟個涼快轉身，鞋面換咗Open Airmesh，鞋墊及鞋舌亦都加咗Comfortemp。

PWRCOOL Graphic Singlet （M） $279

PWRCOOL Graphic 1up S/S Tee （W） $299

今年三月先至到港上架嘅PUMA全新跑鞋Ignite，啱啱加推咗PWRCOOL版本，鞋名講到明要Cool！外觀上與原裝版本嘅最大分別，就係鞋面中段至前段改用Open Airmesh透氣網布物料，網孔改由長條形嘅Pattern組成，透氣面積比改款前大咗，藉此加強空氣嘅流通效果，更易排走鞋內嘅熱氣和濕氣。

透氣降溫兼而有之

新鞋除了加強通爽作用之餘，Ignite PWRCOOL仲有降溫新招，就係喺鞋墊及鞋舌加入新材料Comfortemp，竅妙在於布料纖維內藏微細嘅膠囊冷卻面料，能夠自動感應溫度變化，過熱時就會發揮降溫作用，令雙腳保持喺合適嘅溫度範圍內；除咗Ignite PWRCOOL，Comfortemp技術仲應用喺全新嘅PUMA跑裝系列，令你全身Feel到涼浸浸。

PU中底回彈最強

標榜透氣、降溫之餘，Ignite PWRCOOL沿用原裝版本嘅中底與外底組合，緩震與回彈效果，都係品牌最強之選。首先中底材料棄用傳統嘅EVA （Ethylene Vinyl Acetate） ，由全新開發嘅PU （Poly Urethane） 混合物料取代，不但緩震、回彈，就連耐用與輕量化程度都勝過EVA，而踭位內藏嘅ForEverFoam便再度加強緩震能力。除此之外，中底嘅內外兩側都有箭嘴形嘅圖案貫穿前後，咪以為純屬裝飾，其實內有玄機，細心啲睇就會發現內側嘅箭嘴比外側狹窄，可以加強對腳弓嘅支撐，至於外側偏闊嘅設計，就可一定程度上加強中底物料嘅壓縮能力，減少外翻機會。外底方面，就喺最易掂地嘅位置用咗EverTrack物料，耐磨之餘抓地力高，令用家可以放心跑、盡情跑，夏日操Fit好Body。

查詢︰2332 3603（旺角花園街金旺樓地下PUMA Store）、2789 6212（尖沙咀彌敦道重慶大廈地庫WK Square）、2918 9088（金鐘太古廣場一樓Gigasports）