PORTER AIRY Tote Bag 香港限定

潮流單品一被冠上「專享」、「限定」或「獨家」等等字眼，通常價錢及貨量都會成反比，入手難度亦會相應提高，又通常地呢啲「貨色」大多只會出現在日本 ，但大家都樂於想盡辦法越洋入貨。如果你係PORTER粉絲又想要罕有的限定版袋款，今次你唔使 飛撲去日本都可輕易得到，因為PORTER方面特別為某大百貨公司感謝祭以優惠價推出香港限定的AIRY Tote Bag系列，袋款設計採用Nylon Twill及Polyester Cotton兩種輕巧物料打造，分別配上黑、橄欖綠及深藍色內外拼色設計，並配以較深袋身及較闊袋底，提高其載物容量，家吓出街買乜都要畀五毫膠袋稅，與其一抽二抽，不如自己買個大啲Tote Bag Shopping仲實際兼環保！