每逢過時過節,瑞華行就會舉辦大型嘅扭蛋活動,唔只款式多,售價仲零舍平,務求令一眾蛋迷扭個唔停手。今期瑞記唔只喺淘大擺陣,仲專登Set咗個3米高嘅摩天輪做景點,一場嚟到,扭蛋之餘仲可以Selfie一番。至於主菜方面,場內備有500部扭蛋機,包羅高達、幪面超人及美少女戰士等數之不盡嘅扭蛋款式外,仲安排咗多項優惠及活動,例如「1分鐘瘋狂任扭大放送」,於淘大商場內消費滿指定金額,就可於指定期間及扭蛋區內1分鐘內免費任扭;「Super Hero超級英雄聯盟試玩Zone」就有由拉打Fourze及獸電戰隊Kyoryuger到場,同各位合照之餘,到場人士仲可以免費試玩新款變身腰帶及幪面超人大戰Ganbaride卡機,試問蛋迷、拉打迷或戰隊迷又點可以錯過?

除有500部扭蛋機恭候各位蛋迷,仲有3米嘅摩天輪做景點,扭完玩具再Selfie。

扭蛋款式多不勝數,有唔少仲係女生偏愛,當中包括蠟筆小新、IQ博士及美少女戰士等。

活動小資料

日期︰即日至本月25日 時間︰中午12時至晚上9時

地點︰九龍灣淘大商場一期地下大堂及二期一樓中庭

網址︰www.danielco.com.hk