剛在美國加州Anaheim舉行的「Star Wars Celebration」展覽有兩大焦點，其一係年底上畫的新星戰電影導演J.J.Abrams跟影片製作人、演員撐場公開第二段電影預告片；另外就是DICE跟Lucasfilm合作開發的星戰遊戲《Star Wars：Battlefront》實機試玩曝光。星戰「睇」驗當然不單如此，大會即席送出《Battlefront》特別版PS4主機，仲有得扮嘢揸X-Wing，兼拍片將自己Key入遊戲預告片內，一圓不少星戰迷的心願！

來自俄亥俄州的星戰迷Thomas睇完《Battlefront》遊戲預告片後，覺得聲畫水準均超越其他星戰遊戲，已鐵定會買Xbox One版。他身上那件Tee就是即場送出的會場限定版。

即場係送出三部《Battlefront》特別版PS4主機，大家是否好想要呢？

遊戲製作人跟Lucasfilm代表都有到場分享遊戲製作的故事。

戴晒頭盔再穿上飛行衣，就可進入X-Wing駕駛艙Chok樣扮飛！

當遊戲正式發布後，遊戲示範區即開放給玩家排隊試「睇」。

即場有四位工作人員即時剪片，話咁快就完成。

現場特設小型展示館，展出《Star Wars：The Force Awakens》的電影戲服及道具，好似新角色Rey、Finn及反派Kylo Ren服飾都有，不過最吸引要算是變得更有型的白兵及圓碌碌的BB-8。

《Star Wars：Battlefront》
遊戲製作人Craig McLeod

即抽遊戲特別版PS4主機

由DICE開發的《Star Wars：Battlefront》請來了遊戲製作團隊連同Lucasfilm代表撐場，介紹製作遊戲的點滴，如製作團隊親身到Lucas資料庫為電影道具拍攝3D影像等等，不過最吸引Fans自然係遊戲預告片首度公開，在開場、完場時各播一次，另外還即場送出三部遊戲特別版PS4主機，認真識做，難怪在場逾千粉絲個個超興奮！原來，大會表示還有兩部特別版主機會在稍後舉行的網上活動中送出，但只限美、加國民先有得玩！而現場每名參與發布會的人士都可免費得到一件會場限定Tee，完場後仲有唔少星戰迷在門外交換適合尺碼，明顯自用。

Chok樣Key入預告片

隨着遊戲公布，遊戲展區便作有限度開放予星戰迷參觀，人多係必然，起碼要排隊個半鐘先有機會入內欣賞那擊倒AT-AT Walker的示範片段。齋睇冇得玩又點過癮！因此Electronic Arts展區另一邊特別設立X-Wing駕駛艙，畀各位穿起成套飛行服爬入機艙睇片兼Chok樣，即場有工作人員錄低片段，再即時剪輯落遊戲預告片之內，真係好有諗頭喎！

玩全視角星戰街機遊戲

現場仲有多一款星戰遊戲展出，而且可以免費任玩。這款係由Bandai-Namco開發的街機遊戲，名為《Star Wars：Battle Pod》，半年前已在美國登場，最大特色是遊戲艙內設有一塊巨型弧形屏幕，等大家在超廣角視野下駕駛飛行器殲滅敵機，不過小心玩到頭暈！

《Star Wars：Battlefront》遊戲製作人 Craig McLeod有Say

「今次開發的最大挑戰在於要設計出一款令星戰迷可過足癮的遊戲，因此花了不少時間實地取景、3D擷取電影道具外貌，甚至將電影音效移植到遊戲。本作想呈現出夢幻式的星戰世界，玩家可以體驗到騎乘操控Speeder Bike、X-Wing、TIE Fighter以至AT-AT的快感。」