近日好像有一個笑容指數之類的東西，表示香港排名好後，實在一點也不出奇。這是調查人員放蛇發現，大多數售貨員無笑容所得出來的結果。

其實真係唔使神秘顧客，因香港的售貨員真係無乜笑容可言。好像我早前到某大型超市，一個寄賣攤檔中，見到一大包杞子，因為太大包在考慮買不買之際，問攤檔職員有沒有細包一點的呢？她指着前面說：「嗰度咪有細包囉！」晦氣無笑容，好似在怪我看不到似的！我之後再問有杭菊嗎？她又用同一種語氣，苦口苦面指着旁邊：「嗱！嗰度咪有囉！」又係怪我看不到的語氣！望唔望到原來真係個客錯！而且係大錯！

另一次，經過某大型商場內的大型唱片舖，其實一向不幫襯開這間「白店」，從來買唱片都去「黑店」購買，但因為想早一點買麥當娜新碟，就快步入店內。一進入，就聽到廣播說十分鐘後關門。向在場保安多口問句：「快關門了吧？」保安非常晦氣地說：「係呀！你快啲啦！」我走到唱片架，發現有三款，於是取了兩款就到收銀處，兩個女職員完全無反應，莫非我阻她們收工？其中一人好不情願地放下工作，我問她：「兩碟是否一樣？那些字太細。」她看了看，黑口黑面地話某隻碟多幾首，口氣似是：「你看不到嗎？還問我！」我於是買了多幾首歌、貴些那隻碟。她收完錢，再無奈地問我：「有個Folder送，要唔要？」我問：「甚麼Folder？」她好不耐煩地說：「麥當娜Folder呀！」我說要，她極晦氣地取給我！無多謝！無笑容！有態度！可能我真係欠咗佢啦！用近二百蚊買張碟仲要睇人面色，零售業只服務大陸客真是不假！