筆者從來唔信「夏日炎炎正好眠」呢一套，秋天嫌乾、冬天嫌凍、春天嫌潮濕，連夏天都唔願郁、唔願做運動，仲想等幾時？尤其是夏天係男生騷手瓜、女生露纖腰嘅黃金檔期，呢個時候都唔把握機會加操，唔通你旨意「降低食物中鹽和糖委員會」幫到你Keep Fit咩？怕熱？怕中暑？都係理由嘅……以前囉，你唔知三間牌嘅Climachill上咗架咩？Full Gear上陣，自可狂熱在心、冰涼在身！

筆者大整蠱，專登揀中午要伊俊哥（左）同Dr. Caren（右）着住成套Climachill練跑，黑色衫特別易吸熱？佢哋兩個實牙實齒、異口同聲答︰「唔覺喎！」

跑步之餘又教瑜伽嘅Dr. Caren，覺得Climachill唔只適合跑步，着住佢做其他運動一樣倍感涼快。

Climachill短袖上衣$359

Climachill短褲$359

Climachill背心$319

部分Climachill上衣就連袖口都有鋁質降溫粒子，將涼快感覺帶到雙臂。

頸位背後有大量嘅鋁質降溫粒子，與皮膚接觸時，即時產生降溫作用，感覺So Cool！

SubZero紗線本身已有散熱效果，加上質料超薄、超輕，進一步提升排汗能力。

鞋身後半段用咗Bootie鞋套設計，又薄又貼腳，似着襪多過着鞋，感覺特別爽。

鞋頭由Engineered Mesh製成，睇見密麻麻嘅氣孔，就知透氣能力高幾班。

中底後底所用嘅Skip Foam，質地比adiprene+更加軟身，注重緩震表現。

外底嘅前掌部分有鏤空設計之餘，留意中央特別挖空咗做透氣區，就連鞋墊都喺相同位置特意鏤空，幫手將鞋內嘅濕熱悶氣直接無阻趕出去。

Climachill背心$319

Climachill短褲$359

Climachill鬆身上衣$339

Climachill貼身短褲$359

CC Cosmic Boost　$999/對

除咗日常跑步練氣，伊俊哥話今期出街都鍾意着Climachill嘅鞋款，他說︰「唔只夠輕身，可以用於平時訓練外，作為日常便服配襯都好易搞。」

CC Gazelle Boost$849/對

教開長跑班嘅Dr. Caren，一向鼓勵跑手用中前掌落地，CC Gazelle Boost就喺呢個位置用咗緩震與回彈兼備嘅Boost，就連佢都讚︰「正好切合中、長距離嘅跑姿需要，因為我哋都會鼓勵跑手用前、中掌先落地。」

咪成日話運動女生起碼加10分，其實愛運動嘅男生，何嘗唔係煞食過人；無分男女，想Fit就要有恒心，臨近夏天更加不容放鬆，天時暑熱做運動係攞苦嚟辛？咁又未必，因為adidas嘅Climachill系列，由衫褲到運動鞋，都標榜有高度嘅透氣、降溫效果，幫你Keep住涼快之餘，仲有日日運動嗰分鬥心。到底Work唔Work？筆者就約咗甲一「飛鷹」球員、「伊俊哥」蘇伊俊，以及身兼瑜伽及長跑教練、一個星期練足七日先至安樂嘅Dr. Caren試着Climachill，實話實說到底chill唔chill？

服飾篇　金屬導熱透衫涼

透氣、舒服，唔係運動服嘅基本要求咩，Climachill又有幾特別？先講服飾先，夏天着淺色衫係常識吧，估佢唔到Climachill嘅運動衫及運動褲都主打黑色設計，何解包拗頸？原因有二，其一係背部內裡近衣領嘅位置，正正係人體最易發熱嘅頸椎位一帶，貼咗一大片鋁質降溫粒子，細細粒嘅銀色圓點，絕非裝飾，而係降溫裝置，作用就好似你拎起罐雪到凍晒嘅汽水，隻手係唔係當堂凍咗先？Dr. Caren同伊俊哥都話，最初着件Climachill上身，都不約而同Feel到頸位涼咗一涼，之後佢哋跑咗一陣，訪問時間正值中午，太陽曬住，伊俊哥就話︰「跑步時Feel到皮膚與呢啲金屬粒子接觸，一直Keep到涼意，對降溫有幫助。」

唔只呢啲形於外嘅圓點，原來喺衣料上都應用咗金屬導熱嘅原理，因為Climachill上衣所用嘅SubZero紗線，內藏超幼細嘅鈦金屬，加上衣料剪裁偏向薄身、透氣，降溫之餘仲可以迅即將汗水吸收、揮發，劇烈運動下依然令身體保持通爽，Dr. Caren亦言︰「就算出咗汗，汗水好快都會經衣料揮發出去。其實我最初接觸Climachill時，都會擔心黑色衫唔係特別吸熱呢？但係實際試着之後，又冇呢個情況出現。」其實adidas特意主打黑色設計，就係想更加突顯Climachill所用嘅降溫技術，足以蓋過黑色衫嘅吸熱作用，以後夏天做運動，揀衫時唔使再同黑色Say Bye了，精於多項運動嘅Dr. Caren都話︰「我覺得所有戶外運動，尤其是喺炎熱嘅情況下，Climachill都好啱着，例如行山、單車，甚至去街場打波都得，並非淨係長跑一項。」

鞋款篇　全方位排汗

鞋款方面又如何發揮至Chill精神？就以CC Gazelle Boost為例，鞋身分為前後兩部分，前段採用Engineered Mesh製成，薄身、富彈性之餘，最重要係滿布氣孔；後段用咗三間牌最新設計嘅Bootie鞋套，當中所用嘅Climachill紗線備有降溫作用，而且布質物料都可用壓模式技術製作，結構上比起傳統設計精簡得多，輕身之餘又可緊貼腳形。唔只鞋面，鞋底亦有唔少玄機，例如挖空咗外底中央變成透氣區，就連鞋底都可幫手排走鞋內嘅汗氣，Dr. Caren更現身說法︰「其實我都係腳汗比較多嘅人，但係着住Climachill嘅鞋款，都唔覺得腳板底濕，反而好通爽、好舒服。」

除咗貫徹Climachill嘅涼快哲學，CC Gazelle Boost亦都兼顧到跑鞋應有嘅緩震功能，例如中底嘅後半段用咗新物料Skip Foam，緩震能力比三間牌用開嘅adiprene+更加高；前半段就更厲害，採用品牌嘅王牌技術Boost，緩震之餘，仲有明顯嘅回彈作用，教開長跑班嘅Dr. Caren說︰「Boost放咗喺中前掌位置，正好切合中、長距離嘅跑姿需要，因為我哋都會鼓勵跑手用前、中掌先落地。」

點只跑裝咁簡單

除咗適合跑步嘅短袖上衣及短褲，今次Climachill仲有好多唔同款嘅服飾上架，透過Mix & Match，就可對應唔同嘅運動場合，例如背心襯短褲，就可變成籃球裝；女裝方面就有鬆身上衣夾貼身短褲，啱晒做Gym或者Kick-Boxing。

走入潮界有Primeknit

講咗咁多功能上嘅設計，相信大家都會了解一吓Climachill點樣幫你對抗炎夏，其實Climachill唔只係運動上嘅好拍檔，仲可以成為平日服飾Mix & Match嘅新元素，事關同步上架嘅CC Cosmic Boost，功能設計與CC Gazelle Boost相近，而鞋身前段由Engineered Mesh換成Primeknit，切合現時大熱嘅織物鞋面熱潮，仲有淨色及多色選擇，筆者至Like係男女裝都有嘅黑白色配搭，撞色效果特別出眾之餘，鞋帶窿仲用咗七彩設計，夠晒花俏。

查詢︰2789 8198（旺角豉油街adidas Megastore）、2730 0157（尖沙咀漢口道adidas旗艦店）