藍芽喇叭近年極受歡迎，便攜、音質兩者兼備。最近又有同類產品登場，就係由美國Audio Design Experts（ADX）研發嘅Riva Turbo X，佢個賣相同一般長形Sound Bar喇叭仔分別不大，不過機身頂部及底部都以拋光處理，配合藍色背光按鍵，相當有型。此機最大賣點就係音質，備有三個中高音及四個低音單元，一共七個單元，比一般藍芽喇叭多，音質自然比較好。佢仲特別支援Trillium Surround及Turbo EQ模式，前者可以加強立體聲效果，後者就可以將喇叭輸出增大至100dB，焚機一流。除咗靚聲之外，Riva Turbo X仲支援通話功能，可以當免提傾電話；另外機背更設有USB，可以為其他Gadgets充電，一物多用。

$2,888

機背備有一系列對外連接，特別在有埋剩餘電量顯示燈。

機底設有紅色防滑橡膠，其中一條可以隨時拆下，變為機背連接位的防塵蓋。

《RIVA》App可以遙控控制音量、開關等，亦會顯示剩餘電量資訊。

機頂按鍵設有藍色背光，相當有型。

查詢：2245 7773