AppStore入面繪圖Apps多不勝數，當中美國公司FiftyThree出品嘅《Paper》可算係較多用家支持嘅一隻，原來推出至今已下載超過1,300萬次，更被獲選為Apple年度最佳iPad應用程式，認真犀利！為咗令大家畫得更就手，佢哋推出數碼筆「Pencil」，畫得準確之餘，仲對應唔少獨特功能，用法似足真實鉛筆！

$448（Gold）、$448（Walnut）、$398（Graphite）

Pencil頂部用上仿擦膠設計，配合《Paper》，反轉筆身即可啟動擦膠功能。

採用藍芽技術，不過毋須進入藍芽頁面設定，只需將Pencil長按左下角區域便可配對。

選用鉛筆，再將筆桿傾斜使用，即可模擬鉛筆素描效果。

《Paper》介面清晰易用，右方色盤更支援混色功能。

只要用兩指向外一推，就可以啟動放大鏡功能，將畫面局部放大。

反轉變擦膠

Pencil設計如其名，十足一支放大版鉛筆，一端係尖削筆頭，另一邊仲有個擦膠。原來Pencil唔係得個樣，佢支援一系列獨特功能，好似防手掌誤觸，系統會分辨手掌和筆觸，即使將手掌放於屏幕上亦不會影響操作。最特別是壓力感應，可從不同角度落筆，繪畫出不同粗幼線條，而且當揀選鉛筆筆觸時，只要將筆桿傾斜約30°至40°使用，就可以模擬出鉛筆掃描效果；而將Pencil掉轉使用，更可即時啟動擦除功能，毋須再於介面上左揀右揀，方便直接！今次Pencil有Graphite（石墨）、Walnut （胡桃木）及Gold（黃金）三個版本，其中Walnut用木材造筆桿，配合獨一無二木紋，設計特別；而Gold則屬今年新版本，換上金色磨沙外殼，表面加入髮絲紋處理，感覺高貴。

程式指令好方便

至於《Paper》程式，暫時仍然只支援iPad，廠方就話正努力開發其他作業系統版本，值得期待。功能方面，內置多款筆觸、顏色，更提供大量方便操作嘅指令，例如可以於屏幕上以手指將筆迹推散，如用兩指逆時針掃動畫面即可還原上一步，用法比其他繪圖Apps方便得多。此外，《Paper》特設Mix功能，內裏雲集全球《Paper》用家的作品，特別在於用家都可利用其他人的作品進行二次創作，而且Mix會將原作及二次創作一併收錄，創意無限。

網址：www.fiftythree.com