近日有行開銅鑼灣都會見到某兩個大商場擺放高達7米（卡通原著應為40多米高）的巨型「鹹蛋超人」（Ultraman）雕像，同場仲有其經典對手「巴魯坦星人」等等，立刻喚起大家的童年回憶，但其實呢種日語被稱為「特撮」（特殊攝影技術SFX，港稱特攝）的卡通片種長拍長有，70年代至今依然大受歡迎，「五星戰隊」（Dairanger）、「幪面超人」（Kamen Rider）相信不少年過30嘅都有睇過。日本不少設計師亦深受其影響，以至不時會將超人圖案或當中的特攝手法融入設計當中，為日系潮流添上獨有的玩味元素。

Ground Y店內放有巨型超人擺設。

同場仲有宇宙恐龍「傑頓」及三面怪人「達達」。

山本耀司用上間條及民族圖案增加潮味。

聯名系列以長袖Print Tee作主打。

黑色Tote Bag都好襟襯。

灰色 Ultraman × Milo Tee

白色猿頭 Ultraman Monsters Tee

黑色Ultraman × Milo 衞衣

棗紅色迷彩Ultraman Face 連帽拉鏈外套

Look Book硬照都可以影到咁，應該都得高橋盾先諗得出又做得到，而且仲要見得人！

UNDERCOVER 2011 S/S「Underman」造型照。

女裝系列換上另一場景，但同樣以特攝手法拍攝。

１：Ultraman × Ground Y 忠粉Yohji

日本殿堂級時裝設計師山本耀司（Yohji Yamamoto），多年來均愛以黑調披搭造型去創作，你又點會估到佢其實都愛特攝卡通！去年年尾，山本耀司就於涉谷PARCO百貨打造一間全新概念店Ground Y，打頭炮的聯名企劃正是與「鹹蛋超人」合作，將超人同怪獸影像印於Print Tee及Tote Bag之上，並以間條、波點及民族圖案點綴增加着用性。

２：Ultraman × A BATHING APE 玩Cutie猿味

2014年11月，日牌A BATHING APE（BAPE）就曾經同「鹹蛋超人」聯名合作，將卡通中的角色一一放進系列單品當中，除了各款印上Milo同「巴魯坦星人」嘅Print Tee外，最特別一款設計莫過於將BAPE招牌迷彩「鯊魚衣」Full Zip Up Parka同「鹹蛋超人」頭部結合，令設計散發出前所未有的特攝味！

３：特攝 × UNDERCOVER 當戲咁拍

上述兩個品牌嘅聯名合作你都大可視作搵錢伎倆，但日本時裝品牌UNDERCOVER 2011年春夏系列「Underman」，明顯就是主腦高橋盾（Jun Takahashi）對此類特攝卡通的致敬之作，除了找來模特兒着上新作於微型場景拍攝造型硬照外，更直頭癲到叫模特兒着住系列新衫戴住面具走去荒山野嶺拍攝，仲有爆炸及特技場面，認真程度絕對可以媲美真實電影拍攝，足證日本人做事細心同時對特攝卡通嘅愛戴，更難得嘅係嗰季設計依然見得人，絕無半點戲服味道。