T台嫩口男神 Lucky Blue Smith

時裝潮流最講求新，所謂新除咗係衫褲鞋襪外，就連負責於T台演繹各大品牌最新設計的模特兒，亦一樣要有新鮮感！男裝界方面，近日就跑出一位年僅16歲（1998年6月4日出生）、身高189cm的嫩口男模Lucky Blue Smith。金髮俊臉本身就是一副模特兒相，而成功掀起話題除了首季一出道已爆紅，行足包括Bottega Veneta、Fendi及Roberto Cavalli在內的6個大牌Runway（仲有sacai靜態Show及TOM FORD硬照），橫掃米蘭、倫敦及巴黎三大男裝周外，更富話題性的是他仲有三位靚家姐，分別叫Pyper America（178cm）、Daisy Clementine（178cm）及Queen Starlie（161cm），而且全部都係模特兒！2012年時更試過四姊弟一齊為GAP拍攝廣告照，而Lucky Blue賣樣之餘仲打得一手好鼓，仲同三位靚家姐組成樂團The Atomics，有樣有才藝難怪可以成為近期男模新寵！不過男神都有「死穴」，就係一咧嘴而笑就會露出大牙肉，帥氣立刻減半，但合埋嘴嘅Cool樣，就足以殺盡大部分雌性生物！