初七人日，人人生日！傳統嘅嘢，都係想好意頭，開開心心，咁不如玩盡佢，送件玩味十足、玩完唔止笑三聲嘅Gadget畀朋友仔啦，肯定男女收到都咁Happy！

Parrot Jumping Sumo $1,238（b）

DJI Inspire 1 $22,500（單遙控套裝）、$26,400（雙遙控套裝）（c）

Nano Falcon XS $368（a）

將機身插上遙控即可充電，叉滿電可以飛大約10分鐘。

Phonejoy Play $700（d）

5吋芒嘅手機都擺得落，手感唔錯。

Happy Cow $598（a）

Holga Clip Lens $230/套（e）

108 in 1 迷你街機 $388（a）

Music Magnum $338（a）

有屏幕顯示時間及使用模式。

Parrot Jumping Sumo 飛車影相

實情係部越野遙控車，透過Wi-Fi及App就可以遙控操作。佢識得滾動、急衝、轉圈，仲可以跳過80cm高嘅障礙物，乜都阻佢唔到！另外，佢前方設有廣角鏡頭，一樣可以影相拍片。

DJI Inspire 1 至潮航拍

DJI Inspire 1支援GPS系統，可以於戶外自動返航及懸浮空中。佢有個三軸雲台，可以垂直90°及旋轉360°拍攝相片及錄影。特別在於提供雙遙控套裝，可以二人操作，一個負責飛行，另一人控制鏡頭。

Nano Falcon XS 私人飛機

機身長度得5.8mm，僅重9g，超的骰，不過竟然飛得好穩定，皆因內置陀螺儀穩定器，室內玩絕對冇問題！操控仲簡單，佢附設紅外線遙控，拉桿即可上下左右前後飛行。

Phonejoy Play 手機變身

鍾意玩手機遊戲人士必備！佢以藍芽連接手機使用，將佢喺中間拉開就有位打橫放手機，變身成為手提遊戲機，玩足球、賽車遊戲超爽。此物仲可以畀玩家自行設定按鍵功能。

Happy Cow 拍攝坦克

呢架遙控坦克Happy Cow得手掌咁大，只要手機、平板下載埋專屬App即可遙控。佢除咗識行識轉彎，最勁就係車身有個480p解像度鏡頭，可以實時拍攝及錄影，鏡頭仲可以隨時伸縮升降換角度；至於電量就頂到成50分鐘。

Holga Clip Lens 玩味四鏡

玩具相機鼻祖Holga推出Clip Lens Set四款鏡頭，畀大家夾住手機鏡頭，隨意換鏡就可以影到魚眼、廣角、增距以及微距四款效果。手機之外，就連厚身啲嘅平板甚至Notebook都啱用。

Holga Clip Lens Set可夾於手機、平板甚至電腦，鏡頭位置就加入磁石，方便換鏡。

108 in 1 迷你街機

呢部「街機」有齊搖桿、大掣，不過體積就迷你得多！原來佢係根據Action Figure嘅「Figma」尺寸製造，搞鬼得來仲真係玩到！佢內置108款經典遊戲，用上懷舊8-bit風格，相當Classic。

Music Magnum 蠱惑的槍

咪以為只係玩具槍咁簡單！其實佢集電筒、喇叭、音樂播放器、鬧鐘等功能於一身，槍身有一排按鍵及屏幕，可以顯示時間，另設有microSD卡槽、mini-USB、USB及Line IN插口，槍身右邊有喇叭，隨時可以播歌。

查詢：

（a）3102 2783

（b）2736 1733

（c）3589 4189

（d）2834 9983

（e）2357 5818