渣馬過後，大家做咗Recover嘅訓練未？對真心鍾意長跑嘅「真跑手」嚟講，能夠做到持之以恒不斷練習，對比參加乜嘢比賽、跑到甚麼成績，其實更有得着更有Fun，我跑故我在嘛！休息過後，又係時候練習了，之前嗰對比賽鞋可以收埋先，輪到練習鞋上場，如果你用開嘅練習鞋已經支持唔住報銷咗，閣下又自問已有一定底子，對跑鞋功能有更高要求嘅話，「三間」今期派台嘅supernova glide系列，我拍心口幫到你！

supernova glide 7（男裝） $1,199/款

supernova glide 7（女裝） $1,199/款

supernova glide 7又點會少得品牌獨家嘅Torsion System，有效連接前、後掌，減少腳掌因過分扭動而引致受傷嘅機會。

鞋底主要以Continental輪胎物料製成，抓地、防滑與耐磨能力都冇得輸。

中底以厚厚嘅Boost為主材料，Boost之上加咗一層EVA，令緩震與支撐之間達致平衡點。

鞋面採用Engineered Mesh製成，兼具輕量化、貼腳和透氣等多重優點。

留意鞋舌加上墊位，索緊鞋帶後，可以卸去繃緊嘅鞋帶對腳背構成嘅壓力。

鞋身內、外側嘅三間部分都化為支撐組件，留意女裝（右）改用壓模式嘅緞布製成，實話實說，型過男裝，葡萄指數上升中。

supernova sequence 7（男裝） $1,199

supernova sequence 7（女裝） $1,199/款

腳弓加設StableFrame，加強對該位置嘅承托力，切合扁平足跑手嘅實際需要。

鞋底後段嘅內側位置追加TPU穩定組件，處處做足保護措施。

supernova glide有幾巴閉？相信唔少跑手就算未睇過都聽過《Runner's World》呢本以跑步為專題嘅雜誌，佢哋會定期評核跑鞋高低，出名標準嚴格，喺去年年頭及年尾，supernova glide 6及supernova glide 7分別成為「Editor's Choice」，響晒朵！其實supernova本身已經係adidas嘅重點跑鞋作品，一直標榜高穩定性及支撐力，專為中階跑手訓練而設，至於抵港上架冇耐嘅supernova glide 7，又有乜嘢板斧幫到大家，繼續愈跑愈愛呢？

supernova glide 7　男女有別

作為練習鞋款，最重要係保護性及穩定性，正所謂練兵千日，用在一時，練習鞋陪你拍檔嘅日子，照計一定比比賽鞋多，故此功能發揮一定要段段有，而且要耐用。supernova glide 7嘅最大賣點，就係中底用咗緩震與回彈力都做到雙贏嘅Boost，覆蓋範圍由腳趾根部一直延伸至腳踭，而鞋櫳與中底之間就有一層EVA物料，當Boost發揮作用之時，呢層EVA就可補強穩定性，就算係從未接觸過Boost嘅跑手，都唔會因為Boost嘅超腍質地而適應唔到。鞋面方面，中段兩側嘅三間商標化為外置結構，索緊鞋帶後就可實在地鎖定腳掌，避免腳掌喺鞋櫳內有過分晃動、移位，至於極具彈性嘅Engineered Mesh，輕巧又貼腳，而且結構上滿布氣孔，舒適度毋須懷疑。奇就奇在女裝嘅鞋面由Techfit材料代替Engineered Mesh，而兩側嘅三間部分亦由合成物料改為緞布，質地比男裝更加輕、更加薄、賣相更加簡潔利落，而壓模式嘅緞布部分喺外觀上更有立體感，Well，愛美係女士嘅天性，就算跑鞋設計以功能為上，但女裝版本點都加多幾分外在美，明晒！

supernova sequence 7　扁平足救星

至於同步上架嘅supernova sequence 7，同樣屬於中階練習鞋款，與glide 7一樣用咗Boost中底及Engineered Mesh鞋面，而且更加注重穩定性，尤其適合扁平足嘅跑手使用，佢同glide 7嘅最大分別，在於腳弓加設StableFrame裝置，偏硬嘅質地更有力地托起腳弓，令扁平足人士都唔會咁易覺得痠痛，甚至受傷；仲有鞋底後段嘅內側位置亦多咗一塊TPU穩定組件，強化Torsion System嘅連結作用，進一步減少受傷機會。

查詢：2789 8198（旺角豉油街adidas Megastore）