今屆NBA All Star嘅正副選名單已經落實,姑勿論是否完全啱你心水,各位球迷都係買定花生等睇戲啦!好戲者,唔只新秀賽、三分球賽、入樽賽及東西岸大賽,仲有今屆嘅全新戰衣。去年All Star戰衣破天荒以短袖Look示人,老老實實,毀譽參半,今屆變番冇袖都好合理,不過行番回頭路,又何來新意?放心啦,All Star咁大件事,adidas點會急就章,今次搵嚟波衫達人阿健,點出今屆新波衫點樣從細節中見驚喜。

波衫達人阿建指出,今年All Star波衫唔只顏色大革新,細節上仲好有地道特色。

2015 NBA All Star Game Jersey(Kobe Bryant) $699

2015 NBA All Star Game Jersey(LeBron James) $699

2015 NBA All Star Game Jersey(Kevin Durant) $699

東、西岸波衫腋下都有五星圖案,代表咗紐約市嘅五個行政區,由上至下分別係Queens、State Island、Manhattan、The Bronx及Brooklyn。

今屆All Star喺紐約市舉行,標誌底部就有「NYC 15」嘅字樣。

除咗球衣號碼用番東、西岸嘅傳統顏色,留意綑邊配色亦有不同。

除了顏色有別,波衫正面左邊底部,亦都列明所屬球隊。

作為波衫狂迷,阿健最鍾意嘅All Star珍藏,就係1995(左)及96年兩款,呢兩屆賽事分別喺鳳凰城及聖安東尼奧舉行,前者係沙漠城市,故此波衫有仙人掌圖案,而後者盛產辣椒,波衫設計亦以此為主題,兩款都充滿地道特色。

中學時代開始迷上NBA,依家仲從事籃球用品門市工作嘅阿健表示,今屆All Star最期待Damian Lillard有驚人表現,連帶睇好埋西岸隊成為贏家。

Futurestar Boost NYC All Star $1,199

J Wall 1 NYC All Star $999

D Lillard 1 NYC All Star $899

波衫達人 細數NYC玄機

一直以來,All Star東西岸大賽都係壁壘分明,各自以藍色及紅色作為代表顏色,今屆All Star戰衣嘅最大突破,就係唔再壁壘分明紅藍對陣,阿健分析︰「今屆嘅東岸隊波衫改用白色,而西岸就係黑色,顏色大改,但依然對比分明,至於傳統嘅藍紅配係唔係唔用呢?又唔係喎,細心啲睇,就會發現東岸隊嘅號碼以藍色為主,再以紅白雙間綑邊;反之西岸隊嘅號碼以紅色為主,綑邊就係藍白雙色,如此配搭,做到新穎之餘又可以回應傳統。」除此之外,阿健仲提到新波衫有兩大新Gimmick,他指出︰「以往嘅All Star球衣,背面一向只落球員姓氏,今次就有齊全個姓名。仲要留意腋下縫咗五粒星,每粒星星表面印咗唔同圖案;今屆All Star喺紐約市舉行,而紐約市正係由五個行政區組成,每區都各有特色。」

波鞋列陣 更添睇頭

有波衫又點少得波鞋,adidas HK今期就返咗三款以NBA All Star 2015為題嘅特別版鞋款,除咗有J Wall 1及D Lillard 1呢兩款Signature Shoe,Futurestar Boost更會於今屆All Star首度落場。三者與球衣一樣,都以黑白雙色為主調。到底喺新秀賽上有幾多人會着Futurestar Boost上陣?John Wall係東岸主將,而Damian Lillard就代表受傷嘅Blake Griffin入選西岸隊,兩者都着住自己嘅首款Signature Shoe出戰All Star,邊個又會好腳頭?如此種種,都令今屆賽事更添話題性,買衫、買鞋之餘,記住買定花生呀!

查詢:2730 0157(尖沙咀漢口道adidas旗艦店)、2736 7055(尖沙咀廣東道海港城2樓270號adidas Basketball)