好快就到農曆新年，係時候幫愛驅翻新，寶馬汽車（香港）今期就推出特定噴油計劃，服務範圍包括全車翻噴、全車改色或全車改啞光色三項噴油服務，收費由$28,000至$109,999不等。但凡寶馬車主，即日至二月底參加上述噴油計劃，額外獲贈BMW M Performance加裝配件現金券，讓你的愛驅型上加型！

原廠提供嘅噴油服務細緻周全，連頭冚底及車門內框等唔起眼嘅地方都照顧到。

無論係全車翻噴或轉色，技師都會細心處理，過程一絲不苟。

利用原廠專用噴劑清潔輪圈，所有頑固油漬、污漬都冇得留低。

喺皮革座椅護理方面，師傳會出動專用護理液，令皮革表面回復油潤光亮。

LED投影裝置分別安裝喺前排左右兩邊車門，一邊係BMW M標誌，另一邊係BMW廠徽。

BMW Advanced Car Eye高清攝錄行車紀錄儀，包括前、後鏡頭，適合所有寶馬車系安裝。

LED門檻裝飾型格十足，每當開門，LED門檻燈都會亮起20秒。

寶馬香港維修主任胡國棟表示，即日至二月底，但凡寶馬車主參加噴油計劃優惠，都可利用額外獲贈嘅BMW M Performance加裝配件現金券，為愛車再行粉飾一番。

M Performance加裝配件選擇多，就以呢部示範車為例，就追加咗M Aerodynamic包圍、黑色鬼面罩、碳纖側鏡冚、合金輪圈及車尾分流器。

無論是車身揩花，或是想幫愛車換新色，位於沙田石門的寶馬維修及焗油中心都能為車主作出補救，內有設備完善嘅噴漆房，喺一塵不染嘅環境下完成噴油工序，亦符合政府最新嘅環保規定，唔會產生污染環境嘅廢氣及廢水。寶馬香港維修主任胡國棟（Gordon）表示：「無論係全車翻噴或者轉色，都會全面採用原廠BMW ColorSystem，屬於符合環保標準嘅水溶油，配合原廠嘅噴油設備、噴油及焗漆程序，確保色調如一。」他更強調：「我哋提供嘅噴油服務，細緻到連一啲唔起眼嘅地方，例如頭冚底、車門內框都照顧到。噴油前，師傅仲會為車輛或相關部件，例如沙板、頭冚及泵把等進行底漆防銹、補土塑形及乾磨等繁複工序，全程一絲不苟。」更重要嘅係，可供選擇嘅原廠車身顏色相當多，就連以往只會喺M4出現嘅Metallic Austin Yellow，以及M3專用嘅Yas Marine Blue都有得揀。臨近農曆新年，正好幫愛車換上一身Austin Yellow金色戰衣，夠晒好意頭。

送M Performance現金券

正如上文所述，惠顧寶馬特製噴油計劃，即可獲贈BMW M Performance加裝配件現金券，金額由$5,000至$15,000，畀你以優惠價幫愛車（必須為同一座駕）加裝心儀嘅M Performance組件。BMW Sevice提供嘅M Performance組件選擇頗多，包括LED門檻裝飾、LED門邊投影裝置、M Aerodynamic包圍（包括前後大包圍、側裙）、車尾分流器、黑色鬼面罩、碳纖側鏡冚、合金輪圈，以至車廂地氈、BMW Advanced Car Eye高清攝錄行車紀錄儀等，仲有維修顧問因應閣下座駕嘅車身狀況，建議最合適嘅產品及服務，以及提供準確報價。

專業美容服務

未必每位車主都想幫車身改色或噴色，Exclusive Spa by BMW專業汽車美容護理服務就切合所需，服務範圍包括專業技師手工打蠟、車廂吸塵、內籠皮革打蠟、清潔輪胎及輪圈、清潔引擎及引擎室等，讓座駕內內外外都煥然一新。依家惠顧一年兩次嘅Exclusive Spa by BMW套餐，可享八折優惠，以BMW3系及5系為例，每次優惠價分別為$2,010（原價$2,520）及$2,240（原價$2,800），幫車主慳番唔少。

查詢：3913 6700（BMW沙田車身維修及焗油中心）