辦年貨要輕鬆新春租車慳時間

緊急事故派員協助

想趁新春期間租車代步，尤其平日少揸車的「駕駛初哥」，幫襯信譽良好的大型租車公司就最穩妥。以大昌行汽車租賃及Toyota Rent-A-Car & Leasing為例，可供租用嘅車輛款式選擇多，亦會列明所有收費，有根有據，更重要係設有路上緊急援助服務，不幸遇上意外或車輛發生故障，只要致電服務熱線，租車公司就會派員協助，不用惆悵。為滿足不同用家需要，大昌行汽車租賃及Toyota Rent-A-Car & Leasing常備多種車款供選擇，新春檔期又有邊類車款最啱使？我哋就有以下五款筍盤推介。

五大租盤推介：實用為上 Nissan Serena

屬於2.0L日系MPV車款，車廂布局靈活多變，既可收起中、後排增加置物量，中排更可按需要作左右移動，變成獨立座椅或大梳化，辦年貨時需要中場休息的話，啱晒！

4日3夜租車費︰$3,900起（b）

豪華好氣派 Toyota Alphard Hybrid

豪華MPV型號，車內配備應有盡有，中排採用獨立Captain Seats設計，置身其中有如飛機頭等艙；至於Hybrid油電混合動力系統，環保又慳油，交車時真係要交足油都唔肉痛。

一星期租車費︰$7,900起（a）

型格見得人 Lexus NX300h

輸港不久嘅全新型號，無論由車身外觀到車廂布置都夠跑味，新年期間揸出街，一定唔會失禮，至於2.5L引擎與電動馬達合組嘅Hybrid系統，耗油可低至20.0km/L，夠慳！

一星期租車費︰$6,000起（a）

大方得體 Audi A4 1.8T

賣相優雅、動力充沛，至於車廂裝潢秉承品牌嘅豪華傳統，全車座椅都係原廠皮革製品，又有直接易用嘅MMI多媒體控制介面，就算你係第一次接觸奧迪型號，都好易上手。

4日3夜租車費︰$4,550起（b）

父母好幫手 Toyota Spade

唔只車廂空間大得誇張，左邊車門仲係電趟式設計，方便後座乘客進出車廂，而前排乘客席又可摺起椅背變成小餐桌，父母親同小朋友開飯時，絕對幫上大忙，抵讚！

一星期租車費︰$4,100起（a）

租車索引： Toyota Rent-A-Car & Leasing（a）

推介：主力推介Hybrid混合動力環保車款，其中凌志（Lexus）NX300h屬於最新型號，農曆年間又有收費$3,300起的一星期租賃計劃，涵蓋不同類型車款。

地址：北角屈臣道2-8號海景大廈B及C座地下

網址：www.trac.com.hk

查詢：2880 1515

大昌行汽車租賃（b）

推介：今年特別推出收費由$2,470起的4日3夜農曆新年租車套餐，並有包括揭背小車、豪華房車、MPV和電動車等款式選擇。

地址：九龍灣啟祥道20號大昌行集團大廈2樓

網址：www.dchml.com.hk

查詢：2768 2277

租車注意事項

1.駕駛者年齡必須為25歲，並持有效駕駛執照達2年或以上。

2.租用人必須按照規定繳付按金，通常為有關租用車輛的最高賠償額。

3.租車公司或會提供送車或收車服務，但要留意是否需要額外收取服務費。

4.收車前要與租車公司職員一同檢查車輛，若發現任何問題應立刻記錄在案。

5.還車前需為車輛注滿燃油，若要租車公司代勞的話，或需繳付油費及額外手續費。

6.必須按時交還車輛，否則租車公司會按延期時間的長短而收取超時租費。

7.若車輛發生故障或遇上意外，應立刻通知租車公司派人處理。

8.因車輛發生意外而引致任何損毀或被盜竊，租用人須負責賠償。