渣馬仲有唔夠三個星期就到，大家有何參賽目標？基本盤當然係完成全程啦，如果要求高啲，就係跑出靚成績、快過昨日的我！adidas今期推出嘅adizero Adios Boost 2正係一款專為「突破」而設嘅競賽用跑鞋，就連肯尼亞跑手Dennis Kimetto都係着住佢打破世界紀錄，藉種種輕量化設計，務求讓用家喺衝線一刻依然大把貨，好似F1賽車衝向格仔旗，最後一刻都保持速度感。

Adios Boost 2

Adios Boost 2（男裝） $1,299/對

Adios Boost 2（女裝） $1,299/對

鞋身前、中、後都有反光物料，令路人容易察覺用家位置。

外底前、後分別用咗Continental及adiwear耐磨物料，中間就有Torsion System連結，減低因過度內翻或外翻引致嘅扭傷。

中底用咗全掌式Boost，發揮緩震與回彈兼備嘅作用。

到底Adios Boost 2有幾幫手？就以Dennis Kimetto為例，佢喺去年嘅柏林馬拉松，就着住呢款跑鞋以2小時2分57秒贏得冠軍，仲以26秒打破馬拉松世界紀錄，另一方面，同年嘅紐約馬拉松前10位選手，當中4位就係Adios Boost 2嘅用家，唔通飛毛腿真係冇Adios Boost 2唔得？

輕量化為大前提

先旨聲明，Adios Boost 2係一款競賽鞋，專為做出好成績而設，故此輕量化及穩定性先係設計重點，以尺寸US9為例，僅重8安士，不過論舒適性及保護性未算最高，對初階跑手嚟講，Energy Boost或者Supernova Glide Boost會較為合適。言歸正傳，Adios Boost 2嘅雙層網眼鞋面，加埋全掌式Boost中底都有輕量化特性，前者仲有高度透氣能力，而鞋頭及鞋尾嘅圓點，以及鞋側嘅三間商標用咗反光物料，喺光線不足嘅環境下，都可容易被其他跑手察覺，減少碰撞事故。至於鞋面上作為支架作用嘅無溶劑合成人造麖皮，耐用之餘，製作過程亦比傳統物料環保得多，跑步無非為健康，大家為地球先生健康着想吓！

全掌Boost厚度適中

Boost係三間牌目前最頂級嘅緩震物料，吸震之餘仲有出眾嘅回彈效果，不過對高階跑手而言，若然鞋底太「腍」，可能會削弱觸地及起步時嘅反應，令加速變得遲緩，故此Adios Boost 2嘅Boost中底會比Energy Boost薄少少，帶嚟充分而唔過量嘅緩震及回彈幫助，而且鞋底薄咗、輕咗，自然更有助用家做出好成績。外底布局亦有精心安排，前掌用咗Continental橡膠物料，耐磨之餘，抓地力高，應付濕地都冇有怕，至於後掌就改用重量輕、耐磨的adiwear，除此之外，競賽鞋常見嘅石墨顆粒，亦都用喺前掌區，以最輕嘅方式加強抓地力，讓用家步步穩、步步快！

查詢：2730 0157（尖沙咀漢口道adidas旗艦店）