香港絕對係行山嘅好地方，唔只郊野公園近在咫尺，就算幾凍也好，氣溫跌落個位數嘅日子也不多，不過筆者就見過唔少行山初哥，着波鞋、皮鞋，甚至高踭鞋行山，咪話唔牙煙，行山喎，你估行旺角咩，山路崎嶇又滿布泥濘，好易差錯腳嘛！所以想安安全全、正正經經行山，一對稱職嘅行山鞋豈可缺少？

Terrex Fast R Mid GTX $1,899

外底用Continental輪胎物料製成，咬地與耐用並重。

鞋身兩側都有三間商標造型嘅支撐組件，撐行你對腳！

鞋踭用咗Formotion，可以減少因為「差錯腳」而令足踝受傷嘅機會。

Traxion嘅鋸齒狀鞋底，足以對應郊外嘅崎嶇路況。

外翻式嘅鞋舌頂部，有助減少沙石及雨水滲入鞋內。

前掌用咗adiprene+，發揮緩震作用。

HT Climaheat Jacket $2,099

TS HO Climaheat Jacket $1,399

TS CH Climaheat Jacket $1,699

高抓地能力係行山鞋嘅必備賣點，adidas今期上架嘅Terrex Fast R Mid GTX就交足貨，首先外底用咗Traxion設計，布滿凸出嘅鋸齒狀鞋釘外，而且針對前、後掌嘅唔同抓地力需要，用咗唔同嘅紋理布局，夠細心。

打好底子免拗柴

除此之外，面對凹凹凸凸、沙石滿布嘅山路，一般波鞋嘅生膠底既唔咬地又快蝕，Terrex Fast R Mid GTX嘅外底用咗Continental輪胎物料製成，襟用程度毋須懷疑。而且同其他對手相比，Terrex Fast R Mid GTX特別標榜舒適性及穩定性，因為前掌用咗adiprene+緩震物料，後掌仲有Formotion穩定裝置，吸震之餘仲可以減少拗柴機會，夠晒保護性。

有姿勢有實際

Terrex Fast R Mid GTX唔只打好個底，鞋面設計都落足心機，網層與合成物料製成嘅鞋面，透氣與輕巧兼備，加上GORE-TEX防水處理範圍，由鞋頭一直延伸至鞋領，遇到驟雨都唔怕淋濕腳，仲有一定嘅涉水能力。不得不提係鞋舌頂部嘅外翻式造型，有助隔絕沙石及雨水「竄入」鞋籠嘅機會，進一步保持舒適度。況且Terrex Fast R Mid GTX嘅藍×黑×綠外觀，比起傳統非黑即灰嘅行山鞋Young Look得多，正好迎合依家嘅山系時裝熱，行山都可以型過人，仲想點？

查詢：2730 0157﹙尖沙咀漢口道adidas旗艦店）