對於一個能力有限、欲望無限嘅潮流小記，始終都有一時三刻係需要靜下來忍吓手，如果唔係就算有個40呎貨櫃都一樣逼爆倉。但唔買衫褲鞋又唔代表要抑壓購物欲，買吓細微細眼小物其實一樣可以止止心癮。Supreme呢方面就最心水，20年來除了創作過無數驚世聯名潮流服飾外，每季定時定候都會推出嘅精緻小物擺設，精彩程度亦不遑多讓！如果過往Supreme所推出的滑板拳套工具箱都嫌大的話，唔緊要，今季用上最元祖白底紅Box設計的Espresso Cup同迷你版New Era棒球帽鎖匙扣應該會係你杯茶（或者你杯咖啡），就算蝸居板間房都應該放得落。品味呢家嘢其實唔係得陳豪先識，只要你肯付出幾百大洋你都可以扮吓識！

Supreme × New Era鎖匙扣 $398

Supreme Espresso 咖啡杯 $198

Pasu：其實買晒兩樣都係所費無幾，對比Supreme次次聯名都炒到飛天，呢價錢係合理到唔合理，但如果真係要二選其一，我一定買Espresso Cup（已Order），原因唔係我鍾意飲Espresso，而係價錢平一半，但實用程度比「頂帽」高得多，如果你係「帽癡」又另計。

查詢：Popcorn 2722 1094