大阪聖誕老人慈善跑

未到聖誕，究竟聖誕老人有乜嘢做？原來去跑步為留院病童籌款。由2009年開始舉辦的Osaka Great Santa Run，今年將於11月30日舉行，一眾跑手會穿上大會提供的聖誕老人服，沿着大阪城跑4公里。不少參加者都邊走邊影相，場內更有儀仗隊表演及美食攤檔，充滿聖誕節日氣氛。你都想跑埋一份？可於11月28日前於l-tike.com購票，費用成人￥3,000（約HK$201）、小童￥1,000（約HK$67）。