雲上旅程：全球最差機場（下）

而第五位的烏茲別克塔什干機場，冇得講。第四位是菲律賓馬尼拉機場，這個反而感到有點奇怪，雖然我對菲律賓全無好感，但到過馬尼拉的國際機場及內陸機場，其實真心客觀覺得不是太差。起碼現在腦中有大量比它更差的機場浮現，包括外蒙古、馬其頓、毛里裘斯、孟加拉、帛流等，由設施到服務都差到無倫，反而菲律賓佔據第四位，確是有點怪！

第三位是尼泊爾加德滿都機場，真係實至名歸，幾年前見識過其殘破暗淡，唯一的行李輸送帶壞了好幾年，要關員以人手推大堆行李入大堂，之後旅客一窩蜂去搶，無管理、無程序，一個亂字！早前問過今年到過加德滿都的人，那條行李輸送帶依然壞機中！第二位是沙特阿拉伯吉達機場，都算實至名歸，幾年前到沙特阿拉伯玩了一圈，由吉達飛回首都利雅得。那機場設施不用跟西方國家比較，其特點是有太多太多朝聖者，總是只有亂的感覺，加上太多人有「聖水」行李堆滿一地，人生應該無第二次去吉達機場了！

至於第一位就是巴基斯坦伊斯蘭堡機場！非常實至名歸，幾年前同兩位朋友從當地經曼谷飛回香港，無論由Check-in Counter到安檢再到關員，係無人知道自己做緊乜！當我們已過了安檢時，又話我哋漏這漏那，要重新辦理，還要有出境許可證，在機場的受罪過程後，已向自己保證以後不再來！全球最差機場，非它莫屬！

（完）