迎戰阿根廷港隊新力量
唔經唔覺，Nike做咗香港隊球衣合作單位已經有三年了，計落係時候換新衫啦，況且今年係香港足總成立100周年，換新衫賀一賀，好應該吖！適逢本周係國際賽檔期，喺早前對新加坡嘅賽事，以及明日對阿根廷嘅友賽，香港隊就會披上史無前例嘅直間戰袍上陣，令人眼前一亮；要型，點只係外國球隊，香港隊一樣型得起、型到爆！
拚命三郎 梁振邦
「其實無論代表香港隊或者球會，我都會認真對待，喺自己能力範圍內付出100%，每一場都去盡，呢啲就係Fight for Hong Kong嘅精神！」
香港隊各級組別都會全數換上新波衫，為此Nike早前就集合咗各路精英影宣傳照，展示香港隊全體一心嘅戰意，仲有薪火相傳嘅意義。
主場款式破天荒用咗直間設計，間紋之中仲有V字暗花，留意衣領內側嘅下方保留咗「勁揪」嘅打氣字樣。
中場Keyman 黃洋
「香港球員為代表隊効力，應該不求回報，以無私的精神為港隊搏盡，這樣香港便有希望！」
香港隊主場球衣 $539
香港隊作客球衣 $539
HKFA Core Plus Tee $239
HKFA Select SDLN WVN Jacket $599
AS HKFA AUTH Polo $339
HKFA Select SS Training Top $379
HKFA Select Tech Pant WP $379
其實自從香港隊於2011年同Nike合作起，無論主、客波衫設計都相當驚喜，個Look充滿熱血Feel，正所謂比數可以輸，鬥志唔可以輸嘛！呢份戰意，不但延續到新波衫之上，而且普及到各級梯隊，無論由大港腳，以至U23、U16及各級年齡代表隊，以至女足都會齊齊換上新戰袍，實行將「勁揪」精神推廣開去，讓每位港腳都鬥志昂揚。
破天荒 間紋有新意
以往香港隊嘅波衫，大多數都係淨紅色設計，Gimmick欠奉，不過轉咗Nike陣營後就好唔同，就以上一款主場波衫為例，主色變淺咗，更Sharp之餘，衫身正面以至右邊衫袖都加咗間紋，更加Eye Catching，今次嘅新波衫更加破天荒，史無前例用咗深淺色嘅直間設計，新意爆燈之餘，喺漸變色間紋之間仲暗藏V字形Pattern，象徵全力以赴爭取勝利！至於作客波衫繼續以白色為主，而領位及袖口分別用上黑色及紅色點綴，對比分明夠醒神。另一方面，上一款波衫最精彩嘅細節，莫過於衣領內側嘅下方印上「勁揪」二字，以廣東話傳神地幫香港隊打氣，咁精警嘅設計，新款主、客球衣亦樂於沿用落嚟，勉勵各位港腳大大力勁揪一番。
Full Gear Sharp醒打氣
除咗波衫，Nike Sportswear亦都為香港隊預備咗全新Items，當中包括Polo、Tee及Track Suit，而且與波衫一樣，已經全數喺旺角花園街嘅Nike Football上架，心水推介係Select SDLN WVN Jacket，偏淺嘅紅色調子，正好迎合今期嘅粉紅色熱潮，加埋心口位嘅港隊隊徽，夠搶眼，而且兩邊衫袖都有棗紅色間紋點綴，同主色大玩對比效果。老老實實，自問係香港隊Die Hard粉絲者，入場打氣點可以冇番件港隊波衫或者Jacket傍身？
查詢：2388 3348（旺角花園街Nike Football）
