約定Serena大美督賞月BBQ

中秋節就到，車主一族仲未決定去邊度同屋企人遊車河賞月？燒烤場圍爐BBQ有得諗喎，一嚟唔使麻煩自己整嘢食，連開爐都有專人代勞，二嚟唔少燒烤場都有免費車位，成件事當堂簡單晒。早前筆者就同三位大小模特兒嚟個賞月探路，拍住超慳油嘅日產（Nissan）Serena去到「大美督嘉年華燒烤」一遊，真係好方便喎！

除咗露天燒烤場，場內亦有有蓋燒烤區，唔怕好天曬落雨淋。

全景觀天幕頂開揚度十足，賞月大派用場。

對住大片草地BBQ，自然零舍開胃啦！

場內供應嘅燒烤美食選擇多，肉類、海鮮、素菜樣樣有。

One Touch一觸式開關雙電趟門加上低地台設定，上落車廂So Easy。

收起後排，可騰出大片車尾載物空間。

車廂陳設力求簡潔實用，媽咪駕駛一樣易上手。

2.0L直四引擎好力又慳油，Pure Drive設計果然有料到。

前排椅背設有連杯座嘅小餐桌，方便喺車內開餐。

加裝咗Highway Star專用包圍、16"合金輪圈及直列式LED尾燈，家庭車都型得起。

今次嘅目的地「大美督嘉年華燒烤」，位於大埔環境保護區內，場地面積達40萬平方呎，除咗有傳統港式食材，仲有重慶串燒及野外韓風燒烤選擇，各式肉類、海鮮、素菜應有盡有，如果係七人以上惠顧，仲可選擇重慶串燒加韓風燒烤打孖上。揸車前往嘅話，可以沿住大埔汀角路往大美督方向，駛至汀角村見到「大美督嘉年華燒烤」嘅大型廣告牌右轉就到，燒烤場入口對出就有大型露天停車場可供免費泊車。

油費只需$1.1/km

今次同我們結伴BBQ嘅Serena SH Green Highway Star，車身長、闊、高分別去到4,770×1,735×1,865mm，體積有番咁上下，但冇因為咁而變得食油或者唔夠力，2.0L直四引擎配合XTRONIC CVT波箱，馬力及扭力輸出分別有147ps及21.4kgm，上斜時毋須狠狠催谷引擎，半油門已經有唔錯嘅加速表現。根據廠方公布嘅平均耗油量只有15.4km/L，以目前油價$16.74/L計算，平均油費唔到$1.1/km，咁要歸功於車廠獨有嘅Pure Drive環保技術，透過S-Hybrid系統、ISS智能停車熄匙系統、XTRONIC CVT無段變速波箱及高效能燃油直噴引擎，實現高性能、低耗油嘅雙優表現。

安坐車內曬月光

除咗慳油好力，Serena SH Green Highway Star仲有靈活多變嘅車廂布局、全景觀玻璃天幕頂、One Touch一觸式開關雙電趟門，以及低地台設計，統統都好抵讚，例如多達14種變化嘅座椅編排，只需幾個簡單步驟，就可將新式防滑纖維跟絲絨物料合製嘅中、後排逐一放平或者收起，中排又可變成獨立座椅或大梳化，因應唔同載物量而隨機應變。同行嘅兩位小朋友就特別鍾意全景觀玻璃天幕頂及大車窗，原因係戶外唔想畀蚊針，留喺車內都可以睇到月光；模特兒Cheryl就特別注意One Touch一觸式開關雙電趟門及低地台設計，事關上落車都分外方便，無論長者、小朋友都受惠得到。