9月，天氣持續熱爆錶，無胃口食嘢？惹味泰菜幫到你。香港的泰菜館數目不比茶記少，最近又有兩家新店開業，一間包裝成Cafe般登場，一間主打素泰菜，美味選擇實在「泰」多了。

冬蔭功海鮮意大利麵 $85
冬蔭功加上辣椒膏與意粉同炒，又加入忌廉增加Creamy口感。配料有椒鹽越南大頭蝦、青口和魷魚，鮮味十足。

香燒豬頸肉配糯米飯糰 $55
賣相討好，有點像日式壽司。豬頸肉原塊用香料醃一晚再燒香切薄片，蘸用辣椒、乾葱、魚露和青檸汁做成的酸辣汁吃，味道豐富。

脆香魚鬆配杧果沙律醬 $55
魚鬆是用鱸魚起肉切碎混入麵包糠炸香，配搭沙律菜，再伴以新鮮杧果肉和橄欖油等做成的醬汁，味道酸中帶甜。

三色迷你漢堡配秘製蛋黃醬及辣醬 $68
以自家製的杧果汁、雞醬和辣蛋黃醬來做漢堡醬汁，其中辣蛋黃醬用上士拉差辣醬、蜜糖和芥辣調製，香口惹味。

青檸焦糖燉蛋 $42
不單用上新鮮青檸汁，還加了青檸皮來提味，味道清新，甜而不膩。

吧枱設計啱晒年輕一族來個快食午餐，鏡子寫上泰文，輕滲泰式風情。

吧枱設有電源插頭供食客為手機叉電，非常貼心。

餐廳為推動慈善，特別推出自家品牌咖啡杯，凡惠顧任何飲品就可以$45換購，部分收益會撥捐奧比斯，受惠機構亦會定期轉換，以幫助社會不同需要的人。

魚蝦雙拼 $58
蝦餅和魚餅全是自家製，蝦餅以蓮藕和芋頭做成；魚餅以大豆和泰式香料為主，香口惹味。

木瓜沙律 $40
主要用青木瓜、花生、青豆、番茄、紅蘿蔔、素豉油和椰糖做成，亮點是加了自家製的炸豆乾，更添香脆口感。

鮮春卷 $48
以越南米紙包上金不換、薄荷葉、生菜、紅蘿蔔、粉絲和豆腐，不經烹調，保留最多的營養，口感清爽，蘸點用羅望子自家製的酸甜汁更惹味。

冬蔭功 $58
做法正宗，但就換上素菜湯底，同樣加入香茅、南薑和檸檬葉等同煮，加上素蝦、鮮冬菇、雞髀菇和秀珍菇材料，雖然冇海鮮鮮味，卻多了一份清新。

素雞青咖喱 $68
素雞醃製後需花上數小時烹調至軟腍，極花工夫，口感有點像扎肉，加入茄子、豆卜、椰菜花和西蘭花做成青咖喱，充滿辣香卻不油膩。

香茅汁 $15（前）、紫羅蘭花汁 $15（後）
全部自家煲製，香茅汁清新帶微甜；紫羅蘭花汁有點像甜味涼茶，具解辣效果。

地方細細，一眼睇晒，出品卻製作認真，贏得不少好評。

so thai so good 泰菜Cafe

選址大埔超級城，開業短短一個月已經成為人龍店。so thai so good乃景樂集團的最新品牌，集團見本身經營的香辣屋十分成功，於是搞搞新意思，將Cafe和西菜元素結合，賦予泰菜摩登、年輕的新形象。食物方面，就由總廚威師傅、分別負責泰菜和西菜的東師傅和Soman師傅花了3個月構思，既要保留泰菜的精髓和味道，賣相又要做到如西餐般精緻。用料上亦很講究，例如選用澳洲牛肉做漢堡、越南大頭蝦煮冬蔭功等，其中一道冬蔭海鮮意大利麵，就是用傳統的冬蔭功湯加入忌廉來煮意粉，味道酸辣開胃。吃泰菜之餘，餐廳亦有不少西式甜品供選擇，款款吸引，值得一試。

Shop Info

so thai so good

地址：大埔超級城B區2樓202號舖

電話：2667 1555

泰式素食 健康素菜

不少泰國人都信奉佛教，居港多年的泰國人阿君、Moon及其丈夫San都信奉佛教天道，已茹素多年。有感在香港難以找到素食泰菜，三人於是小試牛刀，在泰菜集中營九龍城開店，沒料不單贏得不少同鄉歡迎，還得到香港人、和尚及尼姑讚好。餐牌上的菜式全都熟口熟面，原來幾位老闆希望大家一看就懂得點菜；另外，小店的食物不含蛋類和五辛，因此不會使用魚露，又會以素豉油代替，就連咖喱和辣椒醬也專程從泰國訂回來，讓素食者可安心品嘗。而小店使用的素肉，但就嚴選成分天然的用料製造，不會有用大豆纖維等材料，素蝦餅也是用蓮藕和芋頭做成，因為Moon認為，素肉的味道和口感不一定與真肉一樣，吃得健康才是最緊要。

Shop Info

泰式素食

地址：九龍城南角道28號A地下

電話：6153 7421/9367 3773