轉會窗終於落閘，各大球會嘅球員交易亦已塵埃落定，如果你係德甲「蜜蜂兵團」多蒙特嘅支持者，應該會開心到震，除咗原有嘅兩位大將—曉姆斯（Mats Hummels）及馬高列奧斯（Marco Reus）都冇被撬走，繼續留隊外，球會仲肯大破慳囊，簽入多位新兵加盟，據知使費比起拜仁慕尼黑仲要高，當中包括深得多蒙特粉絲厚愛，今季終於返回娘家嘅香川真司。如果你之前因為球員轉會未明朗，心大心細唔敢買波衫住嘅話，依家終於可以入貨熨字啦！

PUMA多蒙特 2014-15主場球衣 $599

隊徽以布章形式製成，用上無縫熨貼方式緊緊貼在球衣表面。

領位內部印有德文「Echte Liebe」，意思是「無條件的愛」，描寫球迷的忠心耿耿。

主客球衣都以Dry Cell技術製成，注重通爽能力，讓用家穿着起來倍感舒適。

PUMA多蒙特2014-15作客球衣$599

PUMA多蒙特練習球衣$399

PUMA多蒙特球會風褸$599

馬高列奧斯（左）和曉姆斯（中）留隊，加上香川回歸，令多蒙特有更雄厚嘅實力，衝擊德甲及歐聯嘅雙戰線。

2014-15年度嘅多蒙特主、客球衣已經上架有售，先講主場款式，顏色方面沿用傳統配搭，黃色為主、黑色為輔，為求新意思，PUMA用咗不對稱設計，就係喺衫身正面右邊，以及左邊衫袖加上黑色斜間，夠晒破格，可算係近年來多蒙特最反傳統嘅設計。至於功能設計方面，衣料用上Dry Cell技術製成，特別強調汗水揮發能力，令球員喺大運動量之下都保持乾爽，踢起波嚟都爽啲啦！

作客配色大逆轉

除咗主場，作客球衣亦已同步上架，成件都以黑色為主，再於衫正面加上幼身嘅黃色直間，而雙邊袖口都有黃色位置點綴，大玩撞色效果。另一方面，多蒙特嘅練習球衣及球會風褸同樣開售中，前者用色與主場球衣相近，不過黃黑擺位就簡單得多，而且原本放喺心口嘅大型贊助商標誌，練習球衣就縮細咗，並且移往左胸隊徽對落，成個Look當堂簡潔晒。風褸設計就強調輕身，用料薄身之餘，由PUMA商標到隊徽，都以熨貼取代縫製，着住佢熱身、跑步就Fit晒。

查詢：2332 7288（大埔超級城二樓B區PUMA Store）、2295 0268（中環士丹利街Futbol Trend）、2434 3533（銅鑼灣勿地臣街Elevens）、2390 0004（旺角砵蘭街SFALO）