沒女有得救新神器Xperia C3

電視上一眾沒女為求翻身，又要減肥又要學化妝，辛苦半年先能夠改頭換面。計我話想翻身又何需如此辛苦，只要有部Sony Xperia C3在手，自拍時幾個掣即可美白、瘦面、上妝甚至為雙眼加入心心圖案，執完保證沒女變靚女；首批購買更送你一支「自拍神棍」呢！

Xperia C3將於8月底開售，9月7日前購買更可免費獲贈原價$168的「自拍神棍」一支。
$2,689（4G版）
$2,489（3G雙卡版）

配備5.5吋屏幕，但由於採用了幼邊框設計，所以機身唔算好橫。

備有黑、白及薄荷綠三色，簡約、清新隨意選擇。

SIM卡槽用指甲一拉就開到，雙卡版會提供兩個槽位。

僅厚7.6mm，大芒機來說算超薄。

罕有地提供前置補光燈，替面部補光之餘，也可減低背光影響。

可另購Flip Cover，面蓋向後一摺就能座枱睇片。

試片
試播《罪惡城2：蛇蠍情人》預告片，畫面黑白分明，亮度適中，邊緣位亦見實淨。

試相
美瞳效果可即時睇到，當中又以心形眼最得意，想電死人咩！

另可加入十款趣味相框，漫畫集中線配埋表情，效果十個趣！

女士Like爆

自拍呢家嘢，細至6歲、大至60歲皆非常熱衷，所以Sony便為她們度身訂造呢部Xperia C3。機身採用OmniBalance一體成型設計，薄至7.6mm，並僅重150g，配合黑、白或薄荷綠三色，既輕巧又搶眼，單是外觀已叫女士們Like爆！鏡頭也特別為自拍而設，前置500萬像素鏡頭支援25mm廣角拍攝，不但可令人看來面尖尖、眼大大，還比一般30mm鏡頭納入更多景物。留意側旁設有補光燈，柔和光線令肌膚看起來比雞蛋更滑，有痘痘都唔怕！

自製心形眼

叫得做新一代自拍神器，Xperia C3當然不止廣角鏡一環，它的「實時美顏」功能才是最大賣點。即刻搵來模特兒Sabrina測試，佢試玩後表示︰「手機有十款妝容效果，由清新自然、健康膚色到派對Smokey Eye都有得校，而且執相時會幫你美肌瘦面，效果自然又唔假，好好用！」更好用的是美瞳功能，一經使用就可把六款虹膜樣式加到雙眼之中，例如心形、Bling Bling或水汪汪效果等，Sabrina話好多女仔都好怕戴Con，此功能就幫到佢哋唔少。

硬件不失禮

坊間自拍神器都被炒至過萬港元，相比起來Xperia C3就便宜得多，4G及3G雙卡雙待兩個版本分別只售$2,698及$2,498。然而，它的硬件並沒有因此而將貨就價，依然有齊5.5吋高清720p大芒、1.2GHz四核心處理器、1GB RAM及Android 4.4系統，上網、撥頁、開Apps或睇片都頗為流暢，而最重要是發熱量不高，相信廠方在控熱方面下過不少苦功。另溫馨提示大家，雖然Sony手機經常強調「Water is my Friend」，但偏偏此機不能防水，千祈唔好拎去浮潛自拍呀！