電腦節筍貨情報放送

「香港電腦通訊節2014」聽日就喺會展開鑼，入得場當然都係想掃到平價筍貨，不過場地咁大，展位眾多，兼且處處人龍，一個唔覺意就走寶！為咗幫大家可以買到心頭好，小記今期就整理咗電腦節情報，當中除咗一系列購物優惠外，仲有大會搞嘅噱頭活動，一於齊齊提早做定功課！

買Router送外置電

會場價：$338（Anti-Virus 2015）、$438（Internet Security 2015）

F-Secure SAFE跨平台全面防禦軟件個人版

LeTV樂視盒子

aMagic 2,600mAh外置充電池

會場價：$179（每日限量10件）

會場價：$999（限量10部）

會場價：$198（每日限量10件）

會場價：$229（每日限量10件）

會場價：$45（8GB）、$68（16GB）、$112（32GB）

會場價：$498

會場價：$899（2TB）

會場價：$98/個

會場價：$773

Ahha機套平價起孖

會場價：$238

即擦即中新搞作

D-Link DIR-880L AC1900

買Router送外置電

喺屋企上網，Router可以話係必備。Linksys EA6900採用最新AC雙頻技術，而且仲備有三條天線，接收能力特別強。最吸引係依家買此Router即送價值$398嘅5,000mAh外置電池。另外，仲有EA6300同E1200兩款機劈價，前者由$1,190減至$799；後者就由$349減到$199，必搶！

展位：K16

Kaspersky可自選禮品

電腦病毒同埋竊取資料嘅黑客愈來愈猖獗，唔想成為受害者，醒目嘅用家當然會裝番個防毒軟件。Kaspersky Internet Security及Kaspersky Anti-Virus 2015就可以有效保護私隱，而且仲加入網絡攝影機防護、Wi-Fi網絡安全等監控功能。會場價除咗夠抵，買軟件仲可以自選一份禮品，包括無線藍芽喇叭、《唱Opera的保羅》電影換票證兩張或者無線滑鼠，雙重優惠，抵到暈。

展位：G17、G19

D-Link換購價掃Gadgets

網絡產品可以話係電腦節最抵產品之一，除咗減價之外，有代理亦推出換購優惠。大家只要買任何D-Link AC Router或者IP CAM，即可以換購價入手多隻產品，包括免費換兩張戲票、加$49蚊換購F-Secure SAFE跨平台全面防禦軟件個人版、加$249換購DCS-930L IP CAM，或以$349換購LeTV樂視盒子，最正係可以一次過同時換購晒佢哋幾樣，超着數。

展位：K21-K24

加$1送禮品

有代理推出「加一蚊套餐大優惠」，買指定型號嘅Router、IP CAM、外置充電器等產品，加多$1就可以換一件禮品，包括價值$299嘅aMagic 2,600mAh外置充電池、價值$99嘅aMagic彈性貼背Magic Pouch、價值$149嘅aMagic高清數據線、價值$250嘅F-Secure SAFE防禦軟件個人版或者價值$99嘅D-Link External USB插座，抵玩！

展位：K21-K24

AirMobi iReader限量優惠

想將SD卡、外置硬碟嘅靚相、正片同朋友或屋企人無線分享的話，咁就一定要買呢個AirMobi iReader，只要連接SD卡、USB或外置硬碟，就可以將檔案無線分享或者存取，最多仲可以同時畀五位用戶享同一影片檔案。佢仲內置電池，唔使額外攞電，非常方便。

展位：M32、M34

Bmorn K12 劈價兼送鍵盤

這平板有個10.1吋高清屏幕，兼且採用IPS素材，顯示效果有保證；仲備有四核心處理器，睇片、打機肯定順暢；另外支援microHDMI輸出，可以接駁大電視。會場除咗以6折限量發售外，仲送埋個價值$288 嘅藍芽鍵盤底座畀你，做埋文書都掂！

展位：M32、M34

iPhone專用iWalk UBS3000L

佢內置3,000mAh電池，可以為iPhone 5s額外充滿電池約兩次，最正係機身已經備有Apple認證嘅Lightning線以及標準USB頭，唔使額外拎條線出街。機身亦另備USB輸出，可以同時為另一件Gadget充電。會場以77折開賣，記得掃貨！

展位：M32、M34

TP-Link WA854RE加強訊號

每逢去到屋企角落頭或者房仔，Wi-Fi訊號就例必減弱，上網速度自然慢一截。呢款TP-Link WA854RE就可以將Wi-Fi訊號擴展，減少傳輸盲點，而且機身設有LED顯示接收狀態，方便用家設定安裝擺位；會場價$229就買到，好啱數！

展位：M32、M34

Team C118防撞USB

USB手指等儲存產品向來係電腦節必掃產品之一，今年都唔例外；好似呢款Team C118，備有吊牌及保護蓋，方便掛喺鎖匙、手機外攜；加上支援抗震防撞，重要資料更有保障；會場價仲相當抵玩，無痛入手。

展位：E11-E14、E16

84折買Buffalo AC Router

想上網速度更快，換隻行AC制式嘅Router就得。Buffalo NE-WHR1166支援雙頻技術，上網速度可以高達866Mbps+300Mbps，加上備有Wi-Fi Extender，令訊號更穩定。佢仲內置Norton ConnectSafe網站過濾程式，上網夠安心；會場價84折就買到，不妨趁平入番部。

展位：E11-E14、E16

G-Raid高速外置硬碟

G-Technology G-Raid外置硬碟可以話係為多媒體創作人士而設，事關佢內建兩個7,200RPM 3.5吋硬碟，兼且預先設定為RAID 0，增加容量之餘，透過eSATA介面，傳輸速度亦高達200MB/s；再配合鋁金屬外殼，靚仔之餘仲加強埋硬碟散熱能力。

展位：E11-E14、E16

Ks Idea韓套一百有找

除電腦硬件外，場內仲有唔少特價Gadgets機套。好似呢款Ks Idea iPad mini with Retina機套，採用筆記本式設計，用上皮革物料，有薄荷綠、粉紅、紅、深藍及黑五色，外觀唔錯。原價要成兩舊水有多，會場價一百蚊有找，唔係唔買啩？

展位：E11-E14、E16

Case Logic相機袋平五百

Case Logic Kilowatt KSB-101相機袋採用高密度尼龍面料，而且防潑水，加上有個隱藏式防水罩，就算落雨都唔驚整濕器材。而內籠就用上記憶體泡綿及特別嘅懸吊設計，配合可收納記憶卡及電池等配件嘅拉鏈隔層，相當實用；原價$1,288，會場價平五舊水，超筍！

展位：N04

Ahha機套平價起孖

如果想幫手機、平板換新裝，就要留意機套品牌Ahha嘅優惠，購買指定款式電話套，三個只需$90；而指定款式平板電腦保護殼，買兩個只需$150。平時呢個價錢一個都買唔到，不如同朋友夾份一齊買啦！

展位：N02

半價掃Eight無線喇叭

呢款Eight出品嘅BS500N喇叭，外形的骰可愛，支援藍芽4.0及NFC，與手機等Gadgets一拍就可以配對。充電後可以連續使用十小時，用足成日都冇問題。今次會場裏仲減到接近半價，諗得過。

展位：N06

其他著數你要知：即擦即中新搞作

場內展商就各出奇謀提供優惠，大會都唔輸蝕搞噱頭。今年就推出「即擦即中大賞」，入場人士都會獲贈一張擦擦卡，有機會獲得面值$20、$50或者$100嘅現金購物券，喺場內任何參展攤位都用得！另外購票入場人士仲可以參加埋大抽獎，有機會抽中Asus手提電腦、LeTV X50Air、Lenovo New ThinkPad X1 Carbon等產品，總值逾$40萬。