時裝品牌撈過界，推出美容化妝品的例子屢見不鮮，今次的主角實在估佢唔到，就是幾乎每個女人都渴望擁有佢嘅高踭鞋的法國品牌Christian Louboutin！而首個面世的妝物竟然是指甲油，真係再一次估佢唔到！點解？因為Christian Louboutin認為鞋同指甲有密切關係，佢有咁嘅解釋：「我喜歡看女人以出其不意的方式展現色彩。當女人試鞋時，她會留意自己的姿態及雙腿的線條，再到趾尖。同樣，指甲亦是優雅舉止的終點，從肩膀到手臂，最後止於指尖。」

每瓶指甲油都配有特別設計的專利尖錐形甲油掃。
鮮紅色指甲油 $450/13ml

立體修長的瓶蓋取材自書法和畫筆，而瓶身則是精緻的倒模玻璃，靈感源自歐洲建築的古典欄杆。

Christian Louboutin親自示範塗指甲油，真係估佢唔到。

全新的指甲油系列，首批是經典紅鞋底色，而其他色彩系列則將於9月1日推出，並以品牌鞋履及配飾為靈感，多達30款，另外還會推出美甲套裝Loubi Primer和Loubi Gloss。

查詢：2530 2198