大哥BAPE飲完可口可樂（同Coca Cola推聯名單品），轉頭又輪到細佬AAPE接力食漢堡包，講緊的正是潮流品牌AAPE by A BATHING APE與深受大眾歡迎的漢堡包餐廳Triple-O's進行連串聯名活動，除了推出一系列聯名限定單品外，兩個單位更於8月初將Triple-O's大坑分店改裝成為期一個月的Pop Up Store，為打響頭炮壯大聲勢，AAPE上周六喺銅鑼灣大派免費漢堡包，錯過咗嘅，就請記住於8月9日下午3時30分去朗豪坊正門，當日一樣會免費送出150個聯名漢堡包。