想座駕時刻保持最佳狀態，定期嘅維修保養絕對唔少得，不過每次想到隔半年就要安排原廠檢查，唔少車主都會感到煩惱，先要預約，又要抽時間揸部車返廠，搞足大半天先攞番架車，都幾費時失事。Volvo Cars HK最近將定期保養檢查由以往平均費時兩至三小時，加快至一小時辦妥，為此專誠安排兩個人、四隻手進行檢查工序，藉此增加效率，切合生活節奏急促嘅港人實際需要。

專業嘅維修人員會為車輛嘅指揮燈、頭燈、大燈、霧燈及尾燈等逐一測試及檢查。

水撥及水唧是否操作正常，都包括喺檢查項目之內。

想了解車上嘅電池狀況，只需透過呢部專用儀器就一清二楚。

車主等攞車期間，可以透過廠方提供嘅iPad，即時睇住座駕嘅維修檢查過程。

Volvo Cars HK售後服務部經理Kenny，向車主Andie（右）介紹全新推出嘅直播維修實況資訊。

車主Andie與唔少車主一樣，都對富豪嘅一小時極速檢查服務相當滿意。

惠顧一年兩次嘅汽車維修保養優惠套餐，包括更換偈油及風隔。

一般而言，車行都會建議車主每半年或每行駛10,000km，就要返廠進行一次基本中期檢查，而每隔一年或每20,000km，便要進行詳細嘅全面檢查，Volvo Cars HK售後服務部經理余業權（Kenny）表示說：「為咗提升服務質素，以及縮短檢查時間，最近我哋將原本一位專業汽車維修員負責檢查一部車嘅安排，變成雙人負責，藉此增加工作效率，將每部車嘅檢查時間由原來嘅兩至三小時，濃縮至一個小時成事，幫車主慳番唔少等候時間。」

車主實時監察

Kenny並指出：「雖然檢查時間縮短至一個鐘，唔代表服務質素會跌Watt，因為兩位專業維修人員會按原廠規定及既定檢查程序，由頭到尾檢查清楚，最後仲有QC同事跟進，確保所有檢查完成晒，先至將部車交番畀車主，客戶大可放心。」拍攝當日就遇到車主Andie，佢啱啱將座駕送到維修中心進行定期檢查，佢話依家維修過程只需一小時左右，令車主慳番唔少時間，例如去附近餐廳坐低High個Tea又得；或者安坐維修中心嘅休息大廳，一邊有免費飲料提供，另一邊透過即時影像傳送，用廠方提供嘅iPad，或者大廳嘅桌上電腦，觀看整個維修檢查過程亦得，一陣間就可以揸番部車走，夠晒方便。

檢查多達17項

Volvo Cars HK提供嘅基本中期檢查項目多達17項，包括偈油及油隔、水撥、水唧、迫力皮、迫力碟、全車照明及電池檢查等，而全面檢查項目更超過30項，喺基本檢查項目之上，加入排氣系統、前後懸掛系統、冷氣操作、驅動軸、迫力喉及迫力油等，都會進行仔細檢查。現時但凡係富豪（Volvo）車主，都可以$7,000-$11,500不等嘅優惠價（收費視乎車型而定）惠顧一年兩次嘅原廠維修保養服務，所慳金額介乎$976至$1,476，至於優惠套餐內容包括所有定期保養所需嘅人工、更換機油及風隔。

查詢：2927 3399（Volvo Cars HK）