史迪仔變身三國英雄

滾滾長江東逝水，浪花淘盡者，不但有英雄，還有史迪仔（Stitch）？本土品牌環球模型（UML）最近就將史迪仔帶到三國時代，化身為大家耳熟能詳嘅劉、關、張造型外，仲扮埋足智多謀、形象儒雅嘅諸葛亮，至於配件方面，劉、關、張版嘅史迪仔都跟咗各自嘅帥旗，諸葛亮版本就有Lilo充當侍從。唔只史迪仔，原來Mickey及Donald都同步變身古裝人，分別扮成孫悟空及豬八戒，老老實實Donald扮八戒真係差啲說服力，猶幸可愛指數不減。無論三國版史迪仔以及西遊記嘅Mickey及Donald，都會喺今屆動漫節嘅UML攤位接受預訂，Disney嘅忠實粉絲切密錯過了！