人得一對耳，有冇必要擁有幾副耳機呢？其實除了要夾歌之外，還要視乎甚麼用途。好似達人G近期多咗跑步Keep Fit，自有必要買番副運動耳機。有朋友介紹兩款運動耳機畀達人G試下，一款是新推出、外形設計玩Trendy的Bose FreeStyle運動耳機；另一款是Monster iSport Intensity運動耳機，佢配備專利耳塞設計，將聲音直接打入耳窩。到底邊款好用呢？

Bose FreeStyle $1,100（a）

Monster iSport Intensity $999（b）

FreeStyle跟上用色襯到絕的保護套。

FreeStyle提供不錯的防水防汗效果。

Intensity跟上一個非常輕巧的便攜袋，攜帶很愜意。

Intensity採用密封式設計，直接放在水喉下沖洗都唔怕。

佩戴FreeStyle跑步時感覺較舒服，抵讚！

戴着Intensity跑步，需貼合耳形，但耳塞略嫌過硬。

以Intensity播放Lady Gaga的《Applause》，中段背景聲被壓得太低。

用FreeStyle聽PSY feat. Snoop Dogg的《Hangover》，人聲、背景聲都做得較平衡。

第1回合：使用經驗比較：Intensity Win！

運動耳機當然要防水防汗，一般設計都會採用可換式耳墊，以及具備生活防水效能。事實上兩款運動耳機都有不俗的隔汗效果，如耳機沾上輕微汗水，可以拆除耳墊清洗。Intensity耳機機殼採用密封式設計，試過連機帶耳墊一齊用水喉沖洗亦無問題，跑步時突然遇上傾盆大雨亦冇有怕！至於FreeStyle的防水性其實都唔錯，只是設有入氣孔這設計令人稍微失去信心。FreeStyle跟埋一個設計都幾有型的便攜套，但體積略大；相反Intensity的耳機便攜袋相對的骰，可輕易放在褲袋，而且Intensity用上不易糾結的扁平耳機線，使用時會較方便。

第2回合：比試佩戴舒服：Intensity Win！

跑步時由於震動多，於是揀運動耳機便要考慮穩陣度，亦要考慮舒適度。兩款運動耳機的取向有少少不同，Intensity耳墊配合耳機特別發聲導管設計，都幾貼合耳仔形狀，但略嫌質感過硬。FreeStyle勝在附送大、中、細碼軟膠耳墊，自用又得，或者借給朋友、家人用都得；而且佩戴上FreeStyle後，用較快步速跑時，耳仔都沒有半點不舒服感覺。

第3回合：音質鬥一番：Intensity Win！

揀耳機最重要其實係要夾歌！相信大家戴運動耳機做運動聽歌，都不會揀慢歌或Jazz吧！見過有人用天碟去試運動耳機，真係想笑！達人G就用最新上架的PSY feat. Snoop Dogg的《Hangover》以及Lady Gaga的《Applause》這兩首節奏感較重的iTunes歌曲測試；Intensity耳機人聲較重，但將背景音樂壓得太低，低音未夠勁；相對之下，FreeStyle在人聲、背景聲方面的平衡度做得較好，兩者都不會蓋過對方，動態亦做得幾好。另外要注意隔音效果，運動時需要留意身邊事，隔聲不必做得太好，這方面FreeStyle表現反而適合。

達人G結論：FreeStyle各方面表現平均

一般試耳機都會聲音先決，但運動耳機就有點不同，聲音表現對整對耳機的評價相對較低。正因如此，Bose FreeStyle在音質上比Monster iSport Intensity表現較好，但就未足以成為勝負關鍵。至於操作經驗以及佩戴舒服度方面，兩款耳機都各有優勝之處，而兩款耳機價錢上大約有一成的差距，點揀就好視乎大家的選擇。如一定要二揀一的話，達人G會揀FreeStyle，貪佢各方面表現都幾平均。

Profile

達人G

試科技產品多過你試衫，唔知買咩機好？信佢冇走寶。

查詢：（a）2123 9000、（b）2998 3974