在日式超級市場買壽司，買了一盒雜錦的，四十多元。可能有同事也想吃，多買一盒大眾口味三文魚壽司，廿多塊錢。到Cashier結帳時，聽見有九折，大喜，開心得嘟了八達通就走人。離開Cashier二十步左右，看一看單據，咦，怎麼只收了我廿多元？兩盒壽司應合共六十多元啊！個九折咁抵？仔細一看，噢！收銀員應該收少了一盒雜錦壽司的價錢！如果得到九折已經大喜，現在免費，小師奶應該覺得大大大喜，哪！着數了！可是那感覺在五步之後就逐漸消失。

心裏有把聲音說：「死啦，佢冇收到我呢盒錢，查數時知道佢出錯，佢會唔會畀人鬧呢？」而這推想故事一發不可收拾：「死啦，佢會唔會本身都唔係賺好多錢，如果收少咗，仲要佢賠錢咁咪好慘？」「嘩！如果咁啱公司想裁員，只係等緊機會邊個出錯，佢收少呢盒錢，會唔會畀人炒，搞到佢冇咗份工？」愈想情景愈恐怖，於是腳步停下，折返，告訴收銀員，收少錢了。這趟輪到收銀員大喜：「啊！係喎！你真係好人！」我聽到她這樣說時我慚愧了。

如果你有跟着我剛才的思考過程，你就知道，我不是一個誠實的人，因為我不是一發現她收少了錢就跑回去付款，而只是很怕良心責備。所以我不是好人，如果我折返付款再幫襯多幾盒再請埋你食，到時你才叫我好人吧！:P