龍城美點重尋舊味

舊啟德機場已發展成郵輪碼頭，飛機在頭頂飛過的日子，只能在回憶中回味。最近富豪東方酒店內的儷廊咖啡室，就以九龍城為主題，推出「味遊九龍城」自助晚餐，炮製出九龍城特有小炒、甜點等。雖然那些年已經遠去，可幸我們還可以用味蕾去懷緬。

椒鹽瀨尿蝦
瀨尿蝦鮮甜大大隻，以椒鹽爆炒，鑊氣十足，夠晒風味。

招牌片皮鴨
鴨皮薄脆甘香，鴨肉鮮嫩多汁，配以傳統海鮮醬，夾着青瓜吃，酥香滿溢。

避風塘炒辣蟹
本地鮮肉蟹加入蒜蓉及紅椒碎等配料炒製，香噴噴，正宗避風塘風味。

佛跳牆
免費奉送的佛跳牆，一點不欺場，用上鮑魚、魚翅、刺參、元貝及花菇等矜貴食材炮製，入口濃郁鮮甜。

香煎鵝肝配蘋果黑醋汁
鵝肝入口幼滑甘香，配蘋果和黑醋汁，有助中和油膩。

餐廳環境闊落，光線充足，令人吃得分外開懷。

港九龍東皇冠假日酒店　散發花．草．茶香

悅來酒店　味遊夏威夷

港威酒店　探究土耳其滋味

儷廊咖啡室推出的「味遊九龍城」自助晚餐，有不少風味小炒，如椒鹽瀨尿蝦及避風塘炒辣蟹，前者用上大隻鮮甜瀨尿蝦，加入椒鹽炒製，熱辣辣夠惹味；馳名的炒辣蟹則以肉蟹加大量蒜蓉、紅椒爆香，肉厚肥美的大肉蟹不會乾身，散發陣陣香蒜味，炒出傳統避風塘風味。此外，還有不少懷舊街頭小食，如煎蠔餅、碗仔翅、炸蟹鉗、鹽焗鵪鶉蛋、糖沙栗子、雞蛋仔及格仔餅等，盡是七、八十後的那些年滋味。

地道甜點列陣

九龍城出名多甜品店，據說從前這裏還有不少賣雞蛋仔、白糖糕的路邊攤檔，而我們亦可在自助餐上回味。數10款傳統地道甜品，包括白糖糕、缽仔糕、酥皮蛋撻、沙翁列陣蒲飛枱上。想吃得矜貴點？亦有加入燕窩的豆腐花供應，養顏滑溜溜。加上酒店為每位客人免費奉送佛跳牆一客，回本話咁易。以新鮮土雞、花菇、竹笙、豬骨、鮑魚、魚翅、刺參、元貝及花菇等十幾種材料炮製的佛跳牆，味道鮮甜濃郁，不錯！