近年多媒體播放器Media Box人氣高企，其中小米盒子更加成為熱選目標；不過唔少用家都嫌小米盒子雙核規格串流高清時唔夠流暢。咁樣的話，不妨考慮10moons呢個品牌嘅新出品D8。新機改用高階四核處理器，廠商仲話運算能力比雙核心機款大幅提升60%，操作、串流都零舍爽。

10moons D8 $899

方格介面易用，常用嘅內容統統清晰列出。

除咗視頻內容外，亦內置地圖、瀏覽器等程式，功能齊備。

用家亦可以於Google Play下載其他Apps，用法靈活。

機面開關鍵備有LED燈，着機及關機時會分別着起藍燈及紅燈，相當靚仔。

機側有USB連接埠及microSD卡槽，供讀取其他儲存裝置的資料。

對外連接介面齊備，mini HDMI、SPDIF都有齊。

首批購買的用家可享優惠，免費獲贈價值$399的鋰電池體感遙控。

隨機附送嘅遙控設計大路，操作簡單。

迷你機身

D8其實係上代D6嘅升級版，外形由上代大大舊、長方盒形大幅縮水，體積比小米盒子大些少，擺喺客廳、睡房都唔阻碇。另外，機面仲加入髮絲紋，外觀相當靚仔。雖然Size縮水，不過機能反而更強，由上代嘅雙核心處理器改用Rockchip 1.6GHz四核心處理器，配合1GB RAM，可以話係電視盒入面嘅高階規格。實際使用時，一般操作全無Lag機，而且播放串流、影片時都非常流暢，效果不俗。

介面齊備

軟件方面，D8內置Android 4.2作業系統，亦一如其他電視盒，預載廠商自家介面，採用方格大圖示，基本主流網站嘅視頻資源都有齊，操作直接又易用。用家仲可以將頁面轉回一般Android畫面，亦可以從Google Play下載其他應用程式，用法靈活。介面方面，大路嘅LAN線、mini HDMI、USB甚至microSD卡槽都有齊，最正就係備有SPDIF，方便連接其他家用音響，睇片音效自然勁得多。

查詢：2959 6226