好多朋友都鍾意一邊跑步、踩車，一邊聽歌，唔想耳機線材左揈右揈，藍芽耳機就最啱用。Plantronics繼BackBeat Go之後，最近又有同屬運動型耳機嘅BackBeat FIT登場。耳機除咗防汗水及水滴方便運動之外，更內置13mm驅動單元，音質有保證。最正就係隨機送一個彈性保護袋，平時可以收藏耳機；一反轉就會變成Sport Armband，一物二用超方便！

BackBeat FIT採用13mm的驅動單元，音質不俗。 $998

保護袋採用彈性物料，可收藏耳機。

將保護袋翻轉就會變成Sport Armband，表面則加入反光物料，夜跑夠安全。

廠商特別推出《BackBeat FIT Updater》程式，可以自行為耳機更新韌體。

耳筒位置設有通話及音樂控制按鍵，操作夠方便。

Voyager Edge僅重9g，相當輕巧。 $998

耳機備有充電盒，同耳機襯番色，外形討好。

採用microUSB充電，只需90分鐘就可以充滿電。

盒面設有LED燈，輕輕一掃就會顯示耳機及充電盒電量。

納米防汗　按鍵方便

BackBeat FIT繼承BackBeat系列的特點，耳機採用線材整合式設計，配合扁身線材及獨特嘅耳塞，大動作亦唔怕整甩耳機；另外亦繼續支援P2i軍用級納米防汗技術，可以有效防汗水及水滴，做運動時就唔怕整濕壞機。不得不提，此耳機特別於耳筒部分加入通話及音樂播放按鍵，比以往嘅線控操作更直接。電量方面，可以播放8小時音樂或進行6小時通話，一日絕對夠用；加上內置DeepSleep模式，當耳機離開電話連接範圍90分鐘，耳機就會進入DeepSleep慳電模式，電力仲可以保存到六個月，相當慳電。

Voyager Edge　行政之選

同期Plantronics也推出了合行政人員用的Voyager Edge，其定位係Voyager Legend之升級版，不過外形反而似舊作Discovery 975，皆因同樣係長條形；最正係重量僅得9g，戴上耳恍如無物，長期戴住都唔覺攰！雖然耳機設計輕巧，不過都內置三個咪高峰，加強消除環境噪音，配合20-band的高清聲音均衡器，喺邊度傾電話都可以保持清晰；另外與上代一樣內置Caller Announce技術，來電時耳機會讀出來電者姓名，只需講「Answer」或「Ignore」就可以接聽或者拒接，連掣都唔使撳！Voyager Edge通話及備用時間長達6小時及7天，隨機仲有一個充電盒，令通話及備用時間可分別長達16小時及25天；而盒面亦備有兩組LED燈，輕觸就可知耳機及充電盒嘅電量，靚仔又實用。

查詢︰2395 3913