唔少家長都會畀小朋友砌積木、Puzzle同模型，希望可培養小朋友的耐性和組織能力，但大家有否想過其實相機都可以砌？說的是教學用的Bigshot數碼相機，需要一手一腳將零件組裝，完成後既有成功感，話唔定仲可以令小朋友對攝影產生興趣。

$999

要用手攪搖桿為相機充電，不斷攪動便可拍攝多張相片，貫徹環保理念。

鏡頭備有標準拍攝、廣角拍攝及3D立體拍攝三種效果，扭一扭即可切換。

機背採用透明設計，並印有指示介紹各部分，觀景器、屏幕、電池一覽無遺。

包裝內附有紅藍3D眼鏡，以便在電腦上瀏覽立體影像。

組裝過程大約需時20分鐘，當中不少部分要上螺絲，小朋友最好找家長陪同製作。

零件包括機殼、摩打、鏡頭、閃光燈、屏幕、電池等，合共三十多件，以玩具相機來說，配套頗為齊全。

試相
Bigshot最好玩就係3D立體拍攝，原相會把影像一分為二，透過軟件轉換合成為3D相，並會以直度顯示，用附送的3D眼鏡觀看，效果非常立體。

零件齊全配套足

其實Bigshot的包裝寫明適合8歲至108歲人士玩，認真老少咸宜。組裝零件有三十多件，包括機殼、摩打、鏡頭、閃光燈、屏幕、電池等，結構方面尚算簡單，不過組裝時需要扭多口螺絲，必須用到螺絲批，因此建議小朋友要在家長陪同下一齊組裝。小記依照說明書的指示，大概花20分鐘即砌好，完成後甚有滿足感呢！作為教學用的Bigshot，雖然像素僅得300萬，畫質甚至比手機還要低，但勝在配套夠齊全，有齊光學觀景器和屏幕，還備有約120MB記憶體，大約可儲存150張相，不過這產品旨在享受製作過程，並非以影像質素為先，所以不必要求太高。

手攪充電至環保

玩味爆燈的Bigshot不但設計別具一格，連操作都以環保為首要條件。事關Bigshot大玩手動發電，用家需要攪動機身旁邊的搖桿，才能為相機提供電力，充電時會有指示燈提示用家，內置的儲電池備有500mAh電量，要攪動五至六次才能拍到一張相片，為環保就要出多幾分力。此外，Bigshot採用Swiss Army Lens鏡頭，提供標準拍攝、廣角拍攝及3D立體拍攝三種效果，扭動鏡頭即可切換，其3D立體拍攝是以side-by-side技術把畫面一分為二，再透過電腦安裝官方網站www.bigshotcamera.com上的專用軟件，把相片轉為紅藍兩色的3D相，再利用包裝附送的3D眼鏡即可觀看立體影像，新奇又有趣。

SPEC

像素：300萬像素

鏡頭：Swiss Army Lens

屏幕：1.4吋

其他功能：內置記憶體、內置鋰電池

體積：129×72×40mm

重量：190g

查詢：3102 2783、3148 9455