《COVER─Photo Editor》自拍唱片封面
現時買下載版歌曲非常方便，但卻有人真係會為咗個唱片封套設計而再買番張碟收藏。其實要自己設計唱片封面都唔係咁難，用《COVER─Photo Editor》自己搞一、兩分鐘就掂。應用程式收錄數量非常多的Artwork同Filter，如Vintage、Nostalgia、B&W、Elegance及Street等多種Filter都各有十款選擇，Artwork方面更有60款畀大家揀，字款方面亦有幾多選擇，只要肯花吓心思都可以呃到人。不過呢個應用程式要收費，唔知大家覺得值唔值？
只需要花一、兩分鐘就能設計出唱片封套。
應用程式內幾十款Artwork畀大家揀。
影相App的基本功能全部有齊，《Timera》 更可玩二次創作。
只要自己在地圖上搵出其他玩家留下來的靚相，就有得玩Mix & Match。
《Innoactor》 玩法大致上跟 《Instagram》 接近。
此App仲可以隨時Check得到現時V Coin儲存額。
《Globo》
《CR7 eMag》
《第38屆香港國際電影節》
下載費用：$8
平台：iOS 7.0+
《Timera》同人Mix & Match
手機影相App多不勝數，想突出真係要諗計。新出影相App當中，以《Timera》最好玩，其特別之處是可以同其他用家Crossover玩二次創作，只要影相之同時搜尋其他用家在相同地點或附近地區用《Timera》所拍攝的相片，就可用埋人哋張相玩重曝Mix & Match，二次創作出另一張相片，好考創意，識得玩嘅應會覺得好好玩！當然有收穫必然都要有付出，除咗可以拎到其他用家的相去玩二次創作外，用家都記得要影番低啲相畀其他用家玩至得。
下載費用：$8 （iOS）、免費 （Android）
平台：iOS 6.0+、Android 2.3+
《Innoactor》拍片賺V Coin
家陣手機拍片原來有機會賺錢！《Innoactor》 玩法同 《Instagram》 都幾接近，每段片最長可拍29秒，只要長按拍片掣就會Roll機，放手即停。拍完片可加入背景音樂、人聲同字幕，之後上載到Facebook或YouTube就可賺到一個V Coin，每日最多可賺五個。V Coin點用？可以於指定商戶使用，理論上一個V Coin可當一元使用。雖然暫時收取V Coin的商戶不多，不過鍾意拍片的話，又有得玩兼儲定V Coin第二日用都唔錯，其實要用最多29秒拍到一段清楚講到故事的短片都唔係咁易！
下載費用：免費
平台：iOS 6.0+、Android 4.0+
《Globo》出差達人必備
對於經常穿梭唔同時區的出差達人，Jetlag都唔緊要，搞錯時差錯失重要Meeting先至麻煩。《Globo》就係一個可以隨時加減世界各地時間的應用程式，仲可以設定唔同時區最多64個鬧鐘，唔怕自己心算時搞錯時間。大家可能會疑惑，iPhone「時鐘」內都已有「世界時間」，點解仲要畀錢裝多個程式？《Globo》介面確實做得幾靚外，加入世界各地時間都可以離線進行，要知道唔係個個地方上網都咁容易。
下載費用：$8
平台：iOS 7.0+
《CR7 eMag》全場跟實C朗
C朗拿度、美斯、伊巴謙莫域抑或列貝利勁啲？每人心目中都有一把尺，無謂拗，但C朗就有自家的電子雜誌應用程式，每期主角都係佢自己，照睇喺呢個戰場，C朗贏晒！《CR7 eMag》可以免費畀用家下載，但每期內容就要另外再畀錢，好似第一期要$8，除了收錄C朗在球場上的雄姿外，亦有佢嘅訪問及Lifestyle消息，但照計佢啲緋聞、花邊新聞就未必有得畀大家睇。
下載費用：免費（每期需另收費）
平台：iOS 6.0+、Android 4.03+
《第38屆香港國際電影節》隨時查閱電影場次
好像筆者這類「偽文青」，每年其中一個相當期待的節目就係香港國際電影節，當官網一出Rundown就即時揀戲，而今年放映日期由3月24日直至4月7日。早兩年開始，電影節會出埋官方手機App，可以隨時翻睇電影資料同每日的播放節目外，亦可用內置日曆記低已訂票的場次。不過今次官方App都出得幾遲，開始網上訂票後幾日先出，第一版本仲有Bug，四月日曆出現問題，照計今日報道出街都應有Bug Fix喇啩！
下載費用：免費
平台：iOS 7.0+、Android 4.3+
