觸智多謀天涯機Samsung Smart Camera WB350F

香港人去旅行鍾意Shopping之餘亦喜歡影相，有部便攜「天涯機」幫你影低旅程中的靚景就最好不過。Samsung近日推出了Smart Camera WB350F天涯機，機身小巧得來卻有21倍Zoom，最重要是支援Wi-Fi和NFC功能，要Share旅途所見所聞，一「嘟」就掂。

$2,290

跟內置NFC功能的手機一「嘟」即能快速連線，無需繁複的步驟。

相機的MobileLink功能可同時對應四部裝置傳送相片，不過裝置必須預先下載《Smart Camera App》。

3吋46萬像素屏幕擁有觸控功能，而且支援Multi Touch，用落似足手機。

不想相片單調乏味的話，Magic Plus模式便提供多種濾鏡特效及相框幫你粉飾影像。

此機的Wi-Fi功能多多，有傳送影像的MobileLink、遙控的Remote ViewFinder，以及用作監視小朋友的Baby Monitor功能等。

機背的按鍵編排簡明易用，採用十字桿而非轉盤操控。

採用SLB-10A專用鋰電池和較細小的micro SD記憶卡。

轉盤上除了多種曝光模式外，還有Wi-Fi、設定等功能。

表現用上仿皮紋理，感覺優雅又復古，手感亦相當不錯。

配備21倍Zoom長炮鏡頭，並支援23mm廣角，足以覆蓋遠近環境。

試相
在日落時分推高感光度拍攝，可見雜訊不明顯，而且線條實淨，成像又夠順滑；從漸變的黃昏中亦可見色域相當廣闊。

21倍變焦長炮

WB350F僅重216g，又薄又細部，殊不知機身竟收藏了一支21倍Zoom的高倍變焦鏡頭，並支援23mm廣角，無論係遼闊的環境，抑或遠處的景物都影得到，「一機走天涯」毫無難度。WB350F簡單易用，轉盤上不單備有多種曝光模式，連Wi-Fi、設定、濾鏡特效等都歸納當中，轉過去就用得，加上備有3吋46萬像素觸控屏幕，取景清晰之餘，更具備Multi Touch功能，放大相片用兩隻手指拉開即成，而左右撥動就會播放上一張或下一張相片，用落跟手機一樣，反應都算幾快。

Tag & Go輕觸過相

雖然手機影相同Share好方便，不過論質素始終都係相機高一班。WB350F備有「Tag & Go」技術，簡單來說，即是Wi-Fi和NFC功能，只要把相容的手機輕觸相機即可連線，畀你第一時間將相片過落手機Share出去。此外，WB350F更可同時對應四部裝置，不過裝置必須預先下載《Smart Camera App》。假如不想揀來揀去咁麻煩，不妨使用相機內置的AutoShare功能，它會把每張相片自動過落手機，省時又方便，加上用家能夠把原相儲存至Dropbox雲端服務，仲有2GB免費容量任你擺。此外，用家亦可下載《Remote ViewFinder》手機App，那就能夠以手機實時取景拍攝，旅行自拍或者影大合照最實用。

監視器觀察兒童動靜

即使冇去旅行，WB350F在家中一樣大派用場，皆因它兼備嬰兒監視器功能，可搖身一變成為CCTV。只要為手機下載《Home Monitor》App，然後手機和相機連結同一Wi-Fi網絡，用家就能夠透過手機觀察小朋友動靜。若然小朋友喊的話，系統會傳送訊息提示用家，十分實用。至於WB350F的拍攝能力方面，就具備了1,630萬像素，而且有多款濾鏡特效、相框等任你發揮創意，唯一不便是相機採用較細張的micro SD記憶卡，並非主流的SD卡，可能要另買記憶卡了。