在家唔想用大大座又阻碇嘅傳統喇叭，不如考慮便攜、慳位嘅藍芽喇叭來聽歌。德國品牌Boomerang最近就推出咗兩款藍芽喇叭，分別係Boomerang Speaker及Boomerang Mini，外形的骰，拎出街夠方便；最正係保證靚聲，隨時焚機都冇問題！

Boomerang Speaker $698

機頂設有開關及音量按鍵，另有收音咪，兼備免提功能。

機背內置NFC，一拍即可配對，超方便。

兩款喇叭均備有螢光綠及螢光粉紅兩色，配合黑色機身，撞色搶眼。
Boomerang Mini $348

拆開吊繩則為3.5mm耳機插頭，即使冇藍芽嘅裝置都一樣啱用。

Boomerang Mini機底用上特別物料，可以黏上玻璃等光滑平面。

備有吊繩，方便掛起。

aptX技術減少失真

先講Boomerang Speaker，採用長方形設計，機身僅重230g，輕巧唔累贅。配對方面，除了支援藍芽外，機背亦植入NFC，與支援NFC嘅手機一拍即可配對，非常方便！此外，機身內置2.1單元，前方位置為兩個1吋單元，後方則為被動式低音單元；小記現場試聽流行音樂，音樂旋律清晰，而且人聲舒服，效果不俗。順帶一提，喇叭亦兼容aptX編碼技術，配合相關裝置，藍芽播歌都可以減少失真，音質自然更加好！

支援多喇叭連接

另一款Boomerang Mini則更輕巧，圓形設計十足一個網球，重量更只有134g；最特別就是機身設有一條吊蠅，吊繩拆開後其實是3.5mm耳機插頭，方便大家隨時連接不同裝置，非常貼心！順帶一提，Boomerang Mini支援Daisy Chain功能，可以將多個喇叭以「手牽手」形式連接，可以有效提高音量輸出。

查詢：2395 3913