仲有一個禮拜就係情人節，你為另一半準備咗禮物未？若果毫無頭緒的話，只要另一半係車迷，我敢「肯肯定」10個當中有9個視法拉利（Ferrari）為Dream Car之選。當然送架法拉利唔係咁易，不過法拉利陳列室今期新返嘅各式精品，相信總有一樣啱你Honey心水，咁有心，佢仲唔錫晒你？

男生篇
Polo $520
淨色設計，心口就有細細個嘅廠徽點綴，啱晒性格低調嘅法拉利車迷。

F1 Classic Carbon Watch Black $5,400
採用黑色錶面外環，錶面上有紅色數字點綴，皮革錶帶就用上紅色縫線，顏色配合法拉利嘅車廂布局。

GranTurismo Chrono Carbon Watch Black $7,700
紅色指針設計，配以黑色錶面外環及錶帶，即時令人聯想到法拉利型號嘅錶板設計。

太陽帽 $419
正面繡有大大個盾形廠徽，加埋紅、白、黑三色設計，非常有新意。

行李篋 $1,600
火紅色外觀加埋黃色廠徽，獨步車壇。而且可以喺袋側嘅暗隔拉出拉桿，加上附設手挽及肩帶，可以選擇拉拖、手挽或肩孭，使用夠晒方便。

女生篇
小熊公仔 $650
着住皮褸、一身機師Look嘅法拉利小熊公仔，可愛與型格兼備，就算Cool魔咁型仔都要企埋一邊！

匙扣 $500/個
採用優質小牛皮製成，質料柔軟順滑，皮革上嘅縫線全部以人手縫製，並且採用對比顏色，備有黃、黑雙色選擇。

化妝袋 $1,900
以優質紅色小牛皮製成，配合拉鏈扣上嘅黃色躍馬廠徽，以及袋身嘅Ferrari金屬招牌，大Sell品牌形象，女車迷一定鍾意。

旅行證件套 $1,600
尺寸為97×125×13mm，夠位放護照之餘，仲可以擺埋身份證、回鄉卡、信用卡，甚至登機證，帶住佢出入各地機場就萬無一失啦！

長身拉鏈銀包 $2,040
尺寸為200×110×20mm，格數充足之餘，並包括一個拉鏈袋，間隔實用非常，不過要數最搶眼嘅地方，當然係金屬製嘅Ferrari招牌。

男生篇：碳纖腕錶至有型

如果閣下嘅男友唔只鍾意法拉利，仲係Outdoor活動嘅愛好者，以下介紹嘅太陽帽以至Polo Tee都相當啱使，至於F1 Classic Watch及GranTurismo Chrono Watch唔只玩品牌效應，兩者錶面仲用咗碳纖物料，凸顯品牌嘅超跑形象。

女生篇：形象討好又實用

唔好以為車廠只照顧男生，原來今次嘅法拉利全新精品，都有唔少專為女士設計，好似長身銀包及化妝袋，擺明車馬為女車迷而設。如果閣下女友愛超跑就啱心水了。

查詢：2808 0978（Auto Italia）