中國人特別講意頭，更何況係新正頭？如果你近來有意出車嘅話就要留意，雖則3388夾鮮紅車身，看似無敵組合，但各人命格不同，並非人人適用。今次專誠邀請咗玄學家林炳南師傅，以五行及12生肖做大方向，指點各位車迷迷津，建議最有運行嘅出車配搭。

鮮紅色嘅車，今年特別利好屬鼠嘅朋友。

MINI嘅車身顏色選擇甚多，而且今次充當Model嘅MINI Cooper S Countryman Urban，仲有寬敞車廂，自然分外討好。

運輸署嘅自訂車牌服務，於每年1、5、9月接受申請，有心人要提前準備了。

林師傅教路，今年的幸運數字有1、3、5、6、7，至於數字組合方面，例如56、65、53和35亦十分有利，不妨作為自訂車牌組合時的參考。

5係今年嘅大利數字之一，特別對屬狗與屬豬嘅人士有利，自訂車牌時不妨考慮。

根據林炳南師傅所講，今年在車廂放置粉紅色嘅物件，有助增加桃花運。

附表一：
車身顏色與車牌數字配對

附表二：
提升運勢小貼士

一元復始，萬象更新，若然閣下立定決心新年出新車，甚至連車牌都換埋嘅話，林師傅喺時間上提醒大家：「按曆法計算，西曆2月4日凌晨6時21分為立春，先至算係農曆新一年嘅正式開始；今年係甲午年，天干屬陽木，地支屬陽火，據五行相生相剋原理，陽木生陽火，木生火，代表火氣特別猛，故此今年最有利嘅顏色係藍、綠、紅、橙及黑，至於幸運數字與英文字母，分別係1、3、5、6、7，以及EF、FE、EC及CE等組合。」

12生肖各有妙配

香港市場以歐洲車及日本車為主，歐洲車嘅車身顏色選擇較為大路，以深沉顏色為主，相對嚟講，日系車款就有較多選擇，紅、藍、黃、橙都相當多見；另一方面，自訂車牌嘅入場費係$5,000，運輸署喺每年1月、5月及9月都會接受申請。講完呢啲基本資料後，到底應該點揀車身顏色及車牌組合先？唔使心急，「附表一」就清清楚楚Show晒畀你睇。

自助式催運配搭

新年祈福，最多人關注嘅，莫過於財運及桃花運，至於對車主一族，尤其是搵食司機嚟講，更加要上落平安、路路亨通啦！針對唔同嘅運勢提升要求，林師傅亦有貼士提供（詳見「附表二」），大家不妨參考，催旺運勢。

自訂車牌知多啲

無論是為了追求個人風格的車牌組合，或者篤信玄學的車主，總之有興趣申請自訂車牌的朋友請留意，運輸署於每年的1、5、9月接受申請，整個過程由填寫表格開始，申請者收到確認信後再繳交按金，審批後進行拍買便可，大致過程如下：

Step 1：填寫自訂車輛登記號碼申請表（TD569），或於政府「網上通」下載表格；

Step 2：寄出表格後等待確認信；

Step 3：如申請車牌數目沒有超過憲報的話，便可繳交$5,000按金；

Step 4：按運輸署通知日期時間進行拍賣。

自訂車牌組合時務必留意，當中的數字或英文字母總數不得超過8個，而I、O和Q這三個英文字母不能用；另外自訂車牌組合不可包含令人產生合理反感、品味低俗或不雅的內容，也不可與政府專用車牌相同，如「AM」字首，又或是對任何道路使用者構成造成危險及令執法做成混淆，詳情可到運輸署網站瀏覽，或致電查詢。

網址：www.td.gov.hk/tc/home　

查詢：2804 2600