初一巡遊遙拍花車

明日就係大年初一，想馬年行大運攞好意頭，不如去睇明晚的花車巡遊。不過睇花車難免人多擠迫，若然霸不到好位影靚相，錯過精彩片段就唔抵。小記建議大家用可作遙距拍攝的器材，就算逼唔到前排都可以攝位隔空影相，Top Shot、低炒、自拍無難度。

Sony QX100 $3,880（a）

遇上「小丑王」Kenneth玩雜耍，利用遙控拍攝就能輕鬆多角度捕捉趣怪影像。

QX100內置「A Mode」光圈優先拍攝模式，用作夜間拍攝就最啱。

GoPro Hero 3+ Black Edition $3,880（b）

想搵部同QX100至夾嘅手機，首選梗係同廠嘅Xperia Z1，配對連接夠穩定外，仲有趣怪影相「分唇」添！ Sony Xperia Z1 $5,998（c）

下載Xperia Z1手機專用實影擴張程式《AR Effect for Xperia Z1》，就可將Sanrio人物攝入鏡，畫面熱鬧。

Xperia Z系列備有九格藝術濾鏡，拍一張相即可預覽九種特效，快捷方便。

花車亮點
「馬騰盛世飛躍新里程」
這花車以金色駿馬的躍動英姿，代表「馬到功成」。

「樂園無界福氣無限」
風車裝飾代表新年新轉機，花車上更有卡通人物跟大家拜年。

精彩團隊簡介
本地代表「小丑王」Kenneth率領大班小丑表演短劇。

新加坡「星光火燄劇團」擅長揮動火把及着火繩索的高難度舞步。

2014國泰航空新春國際匯演之夜路線圖

今年有34隊來自中外的巡遊隊伍，包括13輛花車、10支國際及11支本地表演單位。不少花車設計以瑞馬為主題，如滿載米奇氣球及風車的迪士尼樂園花車，寓意新年轉新機。至於國際演出單位中，有八成是首度來港出演，例如來自新加坡的「星光火燄劇團」，表演者揮動火把及着火繩索又拋又擲，動作夠高難度。本地方面，有由80位健兒組成的單車隊，利用懸掛在車架及健兒身上的LED裝置上演「單車舞火龍」。另外有「小丑王」之稱的Kenneth帶領28位小丑沿途表演雜耍，猶如看馬戲一樣精彩！

光圈先決夜攝巡遊

花車巡遊人逼人，拎單反配長炮再Set腳架未必實際。如有Sony QX100傍身，透過Wi-Fi或NFC連結手機，下載埋《Playmemories Mobile》遙控操作介面，咁就可以一手用手機對焦，一手扮「人肉腳架」揸鏡頭，想影乜角度都靈活過人；QX100具備F1.8大光圈蔡司鏡，內置1吋感光元件，感光度較高媲美DC，利用內置「A Mode」光圈優先拍攝模式，就算在光線不足環境下，都易於拍出曝光充足的靚相；再者它擁有3.6倍變焦，等效焦距為28至100mm，雖不屬長炮之列，但點計都比齋用手機鏡頭優勝。

其他器材推介

GoPro Hero 3+系列最高階產品Black Edition體積及重量比上代減兩成，支援40米防水。除可拍攝60fps 1,080p及48fps 1,440p的影片外，更可拍攝15fps 4K及30fps 2K解像度的影片，又支援每秒30幅1,200萬像素高速連拍，拍動感影像輕而易舉。Hero3+ Black Edition附送遙控器，可以同時間控制50部指定型號GoPro攝錄機。另可透過《GoPro App》，以Wi-Fi連接手機和平板，實時觀看拍攝片段。