去得迪士尼樂園，必睇大巡遊，但天寒地凍又要霸位又要企足全程，大人捱得住小朋友都扭計啦！想睇得舒服些？依家有好方法！新到港手機DoCoMo F-03F係與Disney聯乘推出，特別內置了迪士尼巡遊Live Wallpaper，無論去到邊都睇到米奇老鼠、三眼仔等卡通人物同你打招呼，配合埋機身內外其他夢幻元素，稍有童真嘅都肯定即時搶！

$4,780
內置迪士尼巡遊Live Wallpaper，各款花車緩緩走過，妹妹仔見到肯定尖叫！

有個4.7吋屏幕，機身則走純白高雅路線。

送埋充電座，可以邊叉電邊睇卡通。

主題Wallpaper多達30款，由唐老鴨到怪獸公司任君選擇。

日系機必有「執事羊」，但此機就可用史迪仔等人物代替。

連解鎖畫面都有米奇Logo，粉絲好難唔Like！

內置多首耳熟能詳的迪士尼歌曲鈴聲，保證大家聽出耳油。

支援連拍、全景及HDR拍攝，對焦點仲係米奇兩隻手掌，玩嘢到爆！

有齊鏡頭、補光燈及指紋識別器，配套齊全。

附送米奇造型耳機塞，插入後就會發出閃光。

機背有米奇剪影圖案，低調中見可愛。

白雪公主華麗Feel

叫得Disney別注機，想必F-03F一定係花花綠綠，但咁嘅設計氹細路就得，大人同OL就未必個個接受！所以F-03F特別採用較平實的設計風格，以純白直板機身配以4.7吋屏幕，並在機面下方及機背低調地加入米奇剪影，可愛得來還有幾分白雪公主的高貴感覺。若嫌未夠Eye Catching，Boxset內還有一個米奇耳機塞，插入後就會引發Bling Bling閃光及過場動畫，而用戶更可按喜好改變其顏色、速度及次序，自製璀璨燈光！

內置巡遊Wallpaper

外形高貴，內裏則Fantasy到爆！用戶甫開機，化身管理員嘅唐老鴨或史迪仔已喺屏幕走嚟走去，叫人會心微笑；再開啟介面設定，更有30款主題Wallpaper選擇，其中一款「Happiness is Here」動態牆紙正正取材自東京迪士尼巡遊，一經使用，米奇朋友、反斗奇兵、睡公主及木偶奇遇記等花車就會在屏幕緩緩走過，令人猶如置身現場，熱鬧吸引！其他別注元素還包括卡通鈴聲、米奇時鐘及自拍鏡等，惟主題Apps如《Disney Cinema》就只限日本使用，香港粉絲得個恨字。

效能睇齊旗艦機

近年日系機皆有樣又有內涵，F-03F亦唔例外，採用了2.2GHz四核心處理器及2GBM RAM，《AnTuTu》測試足有34,761分，比Note 3還要高，加上內置1,310萬像素鏡頭、指紋識別器及IPX5/8防水設計，無論速度、功能都拍得住市面嘅旗艦機王。美中不足係屏幕解像度只有720p，而電池容積只有2,600mAh，稍稍扣咗畫質及續航力一些分數。提到電池，此機附送橫置式充電座，方便用戶邊叉電邊睇片，設計細心。

SPEC

制式：GSM、WCDMA、LTE

處理器：Qualcomm Snapdragon 800 2.2GHz 四核心

記憶體：2GB RAM、32GB內存；支援microSD

屏幕：4.7吋（1,280×720解像度）

鏡頭：前置130萬像素、後置1,310萬像素

通話時間︰630分鐘（2G）、630分鐘（3G）

備用時間︰570小時（2G）、700小時（3G）、580小時 （4G）

作業系統：Android 4.2

體積：134×67×10.3mm

重量：147g

查詢：2374 0618