新正頭無謂逼租車過年好輕鬆

有混行 Lexus ES300h 四門房車 斯文大方

ES系列嘅環保新成員，車款豪華舒適，車廂布滿高級真皮，揸去拜年夠晒氣派。2.5L引擎加電動馬達，總馬力達205ps，綜合耗油量值18.5km/L，油費約$0.9/km，划算之餘，尾箱容量亦有425公升，實用性不俗。

出入平安 Nissan Serena 2.0 七人車 有容乃大

最大賣點係車廂夠大，實實在在可以坐足七名成年人，如果不用載足七個人，但要增加置物量嘅話，放平後座就可變出置物大平台，而且又有雙趟門加埋低地台，長者上落都唔使人幫。

舒舒服服 Toyota Alphard

豐田旗艦級七人車，唔只空間大，而且設備豐富，中排有Captain Seats，椅背及腳靠可作多角度調校。原廠又有遙控電趟門及三區域恒溫冷氣，小心舒服到唔知醒。

年年油餘 Nissan Note 1.2 DIG-S 揭背車 實用度高

雖然車仔細細，但內籠及車尾空間都好鬆動，一家五口都夠載，而且車門開啟角度達85o，老人家或者大個子都可以輕鬆出入。呢款車仲標榜慳油，綜合耗油量為24km/L，以目前油價計算，油費只係$0.7/km左右。

精神爽利 Toyota Ractis 1.5

筆者最鍾意佢嘅59"巨型天幕，開揚度高，坐長途車都唔會鬱悶。另一抵讚地方，係採用低地台設計，小朋友或長者進出車廂都So Easy，至於廠方公布嘅綜合耗油量為20.7km/L，油價約$0.8/km。

生生猛猛 Mercedes-Benz A200

個Look成部小跑車咁款，加埋1.6L Turbo引擎配合7G-DCT自動波箱，馬力高達156hp，至啱後生仔口味。性能雖強，但耗油量好有分寸，事關有ECO Start/Stop引擎自動熄火系統，平均油費可以低至$0.9/km。

租車六大要點

1.租車者即駕駛者年齡必須在25歲以上，並且持有不少於兩年以上的有效駕駛執照，辦理租車手續時，須出示香港身份證及駕駛執照，部分租車公司更會要求提供住址證明；

2.到租車公司取車時，記得檢查清楚車輛狀態，譬如車身有否凹痕、輪圈是否被刮花等，如有發現應立即通知負責人，將有問題的地方記錄下來，避免還車時有爭拗；

3.每間租車公司的營業時間都有不同，既有一星期連開七日，亦有些只開五日，而且有可能會因農曆新年關係而臨時休息，租車時都要一一問清楚，以免取車與交車時失了預算；

4.租車費用並不包括油費，但為了方便租客，租車公司在交車時大多已事先入滿汽油，故此還車前記得先到油站補足汽油，以免被收取額外費用；

5.部分規模較大的租車公司備有電動車出租，租車前記得問清楚如何充電，並索取電動車充電設施位置資料，以免半路中途冇電「跪低」搵拖車；

6.近年不少新車都改用電子手掣，部分更設有Auto Hold或Auto Start/Stop等電子設備，如果不清楚操作方法的話，租車時記緊問清楚。

租車索引：（a）大昌行汽車租賃

推介：農曆新年租車套餐，於本月30日（年三十）至2月4日（年初五）期間，四日三夜嘅租車價由$2,470起，包括各種私家車及七人車款。

地址：九龍灣啟祥道20號大昌行集團大廈2樓

查詢：2768 2277

（b）Toyota Rent-A-Car & Leasing

推介：豐田Ractis、Pruis C Hybrid、Carmy Hybrid，以至凌志ES300h及IS350 F Sport等皆屬新車，現時推出新年優惠，$3,300起可玩足一星期，數量有限，額滿即止。

地址：北角屈臣道2-8號海景大廈B至C座地下

查詢：2880 1515

（c）Avis HK

推介：於尖東及灣仔均設有租車站，車款選擇多，最近增添了平治A200及CLA250等。農曆新年期間租車一星期，費用由$3,700起。

地址：尖沙咀麼地道67號半島中心地下46號舖；灣仔皇后大道東183號合和中心1710-1711室

查詢：2890 6988（尖東）、2882 2927（灣仔）