近年耳機款式多到眼花繚亂，有些以靚聲做賣點，不過較受用家歡迎的，反而係型仔靚樣行先的款式。最近耳機界又有新品牌登場，所說的就是來自瑞典的Happy Plugs，旗下耳機大玩配色，In-Ear及Earbud耳機都分別備有多達15種配色，顏色超繽紛，總有一款合你心水！

Happy Plugs耳機 $198（In-Ear）、$248（Earbud）

備有15色耳機，其中金、銀兩款仲換上透明線材，更加特別。

入耳式耳機提供三款耳塞，切合不同用家，佩戴都算舒服。

遙控位置內置咪高峰，可以當作免提使用。

機套配色同樣夠多，不過暫時僅支援三款手機。各$138

包裝盒內的同步充電線特別擺成心形，有心思！ $198（Lightning）、$168（microUSB）

金銀最搶眼

Happy Plugs今次分別推出了In-Ear（入耳）及Earbud（耳塞）兩款耳機，特別之處就係兩款耳機都分別預備了15種配色，紅、橙、黃、綠、青、藍、紫、黑、白等大路顏色當然有齊，最正就係有耳機少見的電鍍金及銀色，相當惹人注目。另外，兩款耳機除了支援一眾智能手機及平板等裝置外，其遙控亦備有接聽來電、調校音量及跳播歌曲等功能，當免提用都不成問題。

0.4mm超薄機套

除耳機之外，Happy Plugs同期亦有機套、同步充電線等其他配件齊齊登場，產品同樣大玩繽紛配色。其中備有14種不同配色的機套大有噱頭，僅重3g及厚0.4mm而已，非常纖薄，套落手機後恍如無物，輕巧到暈！不過機套暫時只有iPhone 5、5s及Galaxy S4版本，如支援更多機款的話就Perfect了！至於同步充電線則提供紅、黃、藍、粉紅等8種顏色，線材更由原裝的1米加長至2米，接駁電腦抑或充電之用，都靈活得多。

查詢：2395 3913