Zoe變身1/1大玩具

曾幾何時，軌道賽車係每個男生嘅童年恩物，無論生日、聖誕或者考第一，都會最想收到這份禮物，雖然近年嚟都難敵智能手機或者平板電腦嘅進逼，似有式微之勢，還幸歐洲仲有唔少好此道者。好似雷諾（Renault）英國分部，最近就將呢種玩意搞大佢，於倫敦街道鋪設賽道，再將兩部全新Zoe電動車改裝，變成1:1軌道賽車，並由兩位車手坐喺直升機上遙控操作，相關場面已上載至YouTube，與全球車迷分享箇中盛況。