仲有唔夠一個月就過農曆新年,唔只人要精精神神,愛驅都同樣要靚靚仔仔,神采飛揚。寶馬汽車(香港)就為各位寶馬及MINI車主分別推出Exclusive Spa by BMW及Complete Spa by MINI專業汽車美容護理計劃,仲有八折優惠,由專人幫你嘅座駕扮靚,以最佳狀態迎馬年。

個別微細罅隙,或者容易刮花嘅表面,就會用軟毛掃去屑除塵,夠細心!

清潔內籠頂篷,亦有專用清潔劑,每個位置都高度講究,冇得求其。

要對付輪圈上嘅刁鑽位,師傅出動專用噴劑清洗,用後就可光潔如新。

連平時最易忽略嘅腳踏位,Exclusive Spa by BMW或Complete Spa by MINI都會跟足,車主自然放心晒!

車頭平時積埋唔少灰塵,尤其是引擎室,經專業人員用強力噴霧水槍噴洗,即時乾淨晒。

整個內籠以至尾箱嘅窿窿罅罅,都會做足吸塵工序,務求做到一塵不染。

內外全方位打理

邊個車主唔想自己部車企理四正,時刻保持最佳狀態,不過往往礙於工作繁忙而忽略打理,依家年近歲晚,唔好再隻眼開隻眼閉喇,若果你係寶馬或MINI車主,最近推出嘅Exclusive Spa by BMW及Complete Spa by MINI就幫到你。由車身多項細節,以至車廂護理都有汽車美容護理人員幫你辦妥,毋須費心,具體內容包括專業技師手工打蠟、車廂吸塵、內籠皮革打蠟、清洗輪胎及輪圈、清潔引擎及引擎室等,令閣下嘅寶馬或MINI型號內外都煥然一新,副偈乾淨,車身又企理,望落都特別醒神過人。

一年套餐八折優惠

做Spa唔係女士嘅專利,原來車都可以做埋一份,甚至一年做足兩次。寶馬汽車(香港)喺港九及新界都設有維修服務中心,位置就腳、方便,而且依家一次過購買一年兩次嘅Spa by BMW或Spa by MINI專業汽車美容護理服務套餐,仲可以享有八折優惠,就以BMW 3系及5系為例,每次嘅優惠價分別為$2,010(原價$2,520)及$2,240(原價$2,800);MINI則為$1,840(原價$2,280)。各位大忙人車主,唔想排隊尾,就要趁早致電預約了。

查詢:

3193 6900(柴灣)

2760 0388(土瓜灣)

3193 6899(荃灣)